سۆرانی  |  بادینی  |  English      

دێ كه‌نگی ئۆڤه‌رپاسێن دهۆكێ ته‌مام بن؟

  2021-05-12  | 
 تۆڕا نووچەیا ژیان
به‌شێ هه‌ره‌زۆرێ ئۆڤه‌رپاس و ئه‌نده‌رپاسێن جاددێن بارزان ل دهۆكێ به‌ره‌ڤ‌ ته‌مامبوونێ دچن و ئه‌ندازیارێ سه‌رپه‌رشتیار یێ پرۆژه‌یان ژی دبێژیت: ته‌مامبوونا وان پرۆژه‌یان دێ باندۆریێ لسه‌ر هاتن و چوونێ كه‌ت.

ئەندازیار کانیوار جبرائیل،  سه‌رپه‌رشتێ پرۆژه‌یێن بارزان، بۆ ڕوپه‌لا فه‌رمی یا پارتی ڕاگه‌هاند، جاددا بارزان یه‌كه‌مین جادده‌یا‌ سه‌ره‌كیا ناڤده‌وله‌تییه‌ و حكومه‌تا هه‌رێما كوردستانێ ژی هه‌ژماره‌كا دی یا پرۆژان لسه‌ر رێیا بارزان ئه‌نجامداینه‌ كو پێكهاتنه‌ ژ، ئۆڤه‌رپاس و ئه‌نده‌ر پاس، ئه‌و پرۆژه‌ به‌شه‌ك ته‌مامبووینه‌ و به‌شه‌ك ژی د قۆناغا جیبجیكرنێ دانه‌.

به‌حسا وێیه‌كێ ژی كریه‌، یه‌ك ژ به‌شێن گرنگ یێن جادده‌یا بارزان ئه‌نده‌رپاسا سه‌فینه‌ و وێ ژی قۆناغێن سه‌ره‌كێ بڕیه‌ و دهێته‌ پێشبینیكرن پێش جه‌ژنا قوربانێ ب داوی بهێت و ب وێیه‌كێ ژ دێ باندۆری لسه‌ر هاتن و چوونا دهۆكێ ژی هه‌بیت.