سۆرانی  |  بادینی  |  English      

44 سیناتۆر داخازێ ژ بایدن دکەن گوتۆبێژان دگەل ئیرانێ ڕابگریت

  2021-05-13  | 
 تۆڕا نووچەیا ژیان
ب سەدەما پشتەڤانیکرنا ئیرانێ ل بزاڤا حەماس، 44 سیناتۆرێن ئەمریکى داخازا داوی ئینانێ ب گوتۆبێژێن دگەل تەهرانێ دکەن.

د نامەکێ دا کو ئاراستەى جۆبایدن سەرۆکێ ویلایەتێن ئێکگرتیێن ئەمریکا هاتیە کرن، 44 سیناتۆر داخاز کریە، ب سەدەما پشتەڤانیکرنا ئیرانێ ل گروپێن فەلەستینیان ژ وان ژى بزاڤا حەماس، گوتۆبێژێن پێتڤى ب زیندیکرنا ڕێککەفتنا ئەتومى رابگریت. 

د نامێدا هاتیە، د چەند ڕۆژێن بووریدا گروپێن چەکدارێن فەلستینێ کو بوودجەیێ وان ژلایێ وەلاتێ ئیرانێ ڤە دهێتە دابین کرن، زنجیرەک هێرشێن موشەکى بۆ سەر ئاخا ئیسرائیلێ ئەنجامداینە و خەلکێ مەدەنى کرینە ئارمانج.

ئەو سیناتۆرە کو د ناڤ واندا ژى مارک رۆبیۆ، تێد کروز، تۆم کاتن و میت رۆمنی نە، ب جۆبایدن ڕاگەهاندینە، "بوویەرێن چەند رۆژێن بووریدا دناڤبەرا ئیسرائیل و فەلەستینێ دا جهێ دلگرانیێ نە، چونکە د نها دا ئەندامێن کابینەیا هەوە ل ڤییەننا مژیلى گوتۆبێژانە د گەل ئیرانێ کو ب ئێکەم پشتەڤانیکرنا تیرۆرێ ل جیهانێ دهێتە قەلەمدان".

تەکەزى ل وێیەکێ ژى کرینە، کو ب سەدەما هێرشێن ڤێ داویێ یێن حەماس بۆ سەر ئیسرائیلێ، پێتڤیە واشنتن رێوجهێن پێتڤى لهەمبەر تەهران بگریتە بەر و ب چ رەنگەکى دوورپێچا لسەر ئیرانێ هەلنەگریت.