سۆرانی  |  بادینی  |  English      

لاریجان خۆ بۆ پۆستێ سه‌رۆكایه‌تیا ئیرانێ به‌ربژاركر

  2021-05-15  | 
 تۆڕا نووچەیا ژیان
ئێڤاریا ئه‌ڤرۆ شه‌مبیێ، ده‌ما خۆ به‌ربژاركرنێ بۆ هه‌لبژارتنێن سه‌رۆكایه‌تیا ئیرانێ دێ ب داوی هێتن و ناڤێن به‌ربژاران بۆ جڤاتا پاراستنا ده‌ستوری بلند كه‌ن، كو ده‌ستهه‌لاتا په‌سه‌ندكرنا به‌ربژاران هه‌یه‌ بۆ هه‌لبژارتنان، عه‌لی لاریجانی كه‌سایه‌تیێ دیارێ ئیرانێ ژی ل داوی ده‌م خۆ به‌ربژاركر.

به‌ریا چه‌ند ده‌مژمێرێن ب داوی هاتنا ده‌می ، عه‌لی لاریجانی كه‌سایه‌تیێ سیاسی وه موحافزكار، كو ده‌مه‌كێ درێژه‌ سه‌رۆكێ جڤاتا شورایا ئیرانێ بوو، خۆ بۆ هه‌لبژارتنێن سه‌رۆكایه‌تیا ئیرانێ به‌ربژاركر.

لاریجان ژیێ وی 64 ساله‌ و دووه‌م جاره‌ خۆ ژ بوی هه‌لبژارتنێن سه‌رۆكایه‌تیا وه‌لاتێ خۆ به‌ربژاردكه‌تن، پشتی وێیه‌كێ ل سالا2005ێ ژی خۆ به‌ربژاركری و ده‌رئه‌نجام ب ڕه‌نگه‌كێ نه‌چاڤه‌رێ كری مه‌حمود ئه‌حمه‌د نه‌ژاد بده‌ستخۆڤه‌ بری.

بریاره‌ 27ی ڤێ مه‌هێ ناڤێ به‌ربژاران بۆ هه‌لبژارتنێن سه‌رۆكایه‌تیا ئیرانێ بهێنه‌ ئاشكراكرن و پشتی وێیه‌كێ ب 20 رۆژان هه‌ڵمه‌تا هه‌لبژارتنان ده‌ستپێبكه‌تن و ل رۆژا 18ی مه‌ها حوزه‌یرانێ پرۆسا هه‌لبژارتنێن سه‌رۆكایه‌تیا ئیرانێ ب رێڤه‌ بچیت.