سۆرانی  |  بادینی  |  English      

وه‌زاره‌تا نه‌فتێ: به‌شه‌ك ژ مفایێ نه‌فتێ بۆ قه‌رز و كورتئینانا بوودجه‌ی ته‌رخانكریه‌

  2021-05-21  | 
 تۆڕا نووچەیا ژیان
وه‌زاره‌تا نه‌فتا عێراقێ ڕاگه‌هاند، مفایێ بلندبوونا بهایێ نه‌فتێ، دێ كاریگه‌ری لسه‌ر زێده‌بوونا داهاتی و كێمكرنا قه‌رزان هه‌بیت.

عاسم جیهاد په‌یڤدارێ وه‌زاره‌تا نه‌فتا عێڕاقێ ڕاگه‌هاند، ل گۆڕه‌ی پێشبینیێن وان چاڤه‌رێ دهێته‌كرن هه‌یا داویا ئه‌ڤ ساله‌، بهایێ نه‌فتێ بچیته‌ زێده‌ر ژ 70ێ دۆلاران.

په‌یڤدارێ وه‌زاره‌تا نه‌فتێ ئاماژه‌ ب وێیه‌كێ كر، عێراق پشتا خۆ ب بهایێ مه‌هانه‌یێ نه‌فتێ گرێدده‌ت، ئه‌و ژی ل ده‌ستپێكا هه‌موو مه‌هه‌كێ جڤینه‌كا تایبه‌ت لسه‌ر دهێته‌كرن، ب مه‌ره‌ما پێداچوونا بازارێن نه‌فتێ و په‌سه‌ندكرنا بهایێ نه‌فتێ بۆ وێ مه‌هێ.

عاسم جیهاد ئاماژه‌ ب وێیه‌كێ ژی كر، وه‌زاره‌تا نه‌فتێ كاردكه‌ت لسه‌ر زێده‌كرنا بهایێ نه‌فتێ، د نها ژی دا عێراقێ سێ جورێن نه‌فتێ هه‌نارده‌ی ده‌رڤه‌ دكه‌ت، كو ژ هه‌می جورێن نه‌فتا دی داهات زێده‌تره‌.

د به‌شه‌كێ دیێ گوتنێن خۆدا په‌یڤدارێ وه‌زاره‌تا نه‌فتێ ڕاگه‌هاند، پێشبینی دهێته‌كرن هه‌یا داویا ئه‌ڤ ساله‌ بهایێ نه‌فتێ بگه‌هیته‌ 70 دۆلاران بۆ هه‌ر به‌رمیله‌كێ، ئه‌و دێ بیته‌ سه‌ده‌مێ زێده‌بوونه‌كا به‌رچاڤا داهاتی و كێمبوونا وان قه‌رێن كو بسه‌ر عیراقێ دا زێده‌بووین.