سۆرانی  |  بادینی  |  English      

ب سه‌ده‌ما بۆمبه‌بارانێن توركیا گوندێ ئه‌دنێ ژی هاته‌ چۆلكرن

  2021-05-25  | 
 تۆڕا نووچەیا ژیان
ل شەڤا دەربازبووی ژبەر دژواری توپباران و بوردومانان ل گوندێ سنوریێن ناحیا کانی ماسێ گوندێ ئەدنێ ژی ھاتە چولکرن، کو دبیتە سێییەم گوند ل وی سنوری بھێتە چولکرن.

حسێن بەرواری وه‌لاتیه‌كێ ناحیا کانی ماسێ یە ب تورا نووچەییا ژیان راگەھاند، ژبەر دژواری و بەردەوامییا تۆپبارانا ل شەڤا دەربازبووی ژ ترسان خەلکی گوندێ ئەدنا یا گرێدای ناحیا کانی ماسێ كو گرێدای قه‌زا ئامێدیێ یه‌ مالێن خۆ چولکرن.

ژێدەری ئاماژە ب وێ چەندێ ژی کر، "نێزیک دەھ مالان دناڤا گوندی دا ئاکنجیبوون و کارێ وان خودان کرنا تەرش و کەوال و کارێ جوتیاریێ بوو، د نوکە دا ل گوند و کومەلگەھێن دەوروبەر ئاکنجیبووینه‌".

ب چولکرنا گوندێ ئەدنا دبیتە سێییەم گوند ل سنورێ قەزایا ئامێدیێ ب سەدما دژواری توپباران و بوردومانان د کێمتری مەھەکێدا بھێنە چۆلکرن.