سۆرانی  |  بادینی  |  English      

بهایێ نەفتێ دگەل دوهی زێدەتر داکەت

  2021-03-10  | 
 تۆڕا نووچەیا ژیان
هەرچەندە د چەند ڕۆژێن دەربازبوویی دا بهایێ نەفتێ بلندبوونا بەرچاڤ بخۆڤە دیت، لێ ئەڤرۆ دگەل دوهی بهایێ نەفتێ هەتا ڕادەیەکێ بەرچاڤ زێدەتر داکەت .

لگۆری داتایێن بۆرسێن جیهانی ئەڤرۆ چارشەمبێ ١٠ی ئادارا ٢٠٢١، بەڕمیلەکا نەفتا خاڤا برێنت ب ٦٦ دۆلار و ٨٨ سەنتان بازاڕ پێ هاتیەکرن. هەڤدەم بەرمیلەکا نەفتا خاڤا ئەمریکی ژی ب ٦٣ دۆلار و ٥١ سەنتان دهێتە فرۆتن.

ئەڤە ژی دەمەکێ دایە، ل رۆژا دووشەمبیێ ٨ێ ئادارێ ب ئاوایەکێ دەمکی بهایێ نەفتێ بۆ سەردای ٧٠ دۆلاران بلندبوو، ئەڤە ژی پشتی هێرشێن حوسییێن یەمەنێ بۆ سەر دامەزراوەیێن نەفتیێن سعودیێ، لێ پشتڕا بهایێ نەفتێ داکەفت.

ب دیتنا شەهرەزایێن ئابوری، بلندبوونا بهایێ نەفتێ د دەمێن دەربازبوویی دا پەیوەندی ب ڤەدیتنا ڤاکسینێ کۆرۆنایێ و دەستپێکرنا ڤەلڤینێن پیشەسازی و بازرگانیی ڤە هەیە و دبیت بهایێ وێ زێدەتر بلند ببیت.