سۆرانی  |  بادینی  |  English      

بۆ ئێکەمجار ئەمریکا و چین لسەر ئاستێ بلند دجڤن

  2021-03-10  | 
 تۆڕا نووچەیا ژیان
ڕۆژنامەیا فاینانشل تایمز بەلاڤکر، بڕیارە بەرپرسێن ئەمریکا و چین لسەر ئاستێن بلند ل ئالاسکا بجڤن، لێ هەیا نها بەروار و جهێ جڤینێ نەهاتیە دیارکرن.

ڕۆژنامە بەحسا هوورکاریێن ئێکەم جڤینا د ناڤبەرا چین و ئەمریکا دا دکەت و تێدا هاتیە، جڤین د ئاستەکێ بلند دا دبیت، دبێژیت ژی، دانوستان دبیت ببیتە سەدەما جڤینا د ناڤبەرا ئەنتۆنی بلینکن وەزیرێ دەرڤەیێ ئەمریکا و شێورمەندێ ئاسایشیا نیشتیمانیا ئەمریکا جەیک سولیڤان  و هەڤئاوایێن وان یێن چینی  وانگ یی  و  یانگ گێش.

دوو ژێدەران ب ڕۆژنامەیێ ڕاگەهاندنە، ئێک بژاردە هەیە ئەو ژی ئەوە کو ل ئەلاسکا جڤین بهێتە ئەنجامدان.

دیارکریە ژی، گۆتۆبێژێن د ناڤبەرا هەردوو ئالیان دا بەردەوامە و هەیا نها نەگەهشتنە بڕیارەکێ لسەر بەروار یان جهێ جڤینێ.

هەروەسا ئاشکراکریە، هەر هەڤدیتنەک د ناڤبەرا بەرپرسێن واشنتن و پەکین دا پێشڤەچوونەکا گرنگە، پشتی کو جۆ بایدن سەرۆکێ ئەمریکا هەلویستەکێ توند دەربارەی تەپەسەرکرنا موسلمانێن ئیگۆر ل پارێزگەها شینگیانگ وەرگرتی کو ئەمریکا ب "جینۆساید" وەسفکریە.