سۆرانی  |  بادینی  |  English      

بهایێ نەفتێ بەروڤاژی دوهی بلندبوو

  2021-03-11  | 
 تۆڕا نووچەیا ژیان
هەرچەندە ل ٨ی ڤێ مەهێ بهایێ نەفتێ ب ئاوایەکێ دەمکی بلندبوو و گەهشتە زێدەتری ٧٠ێ دۆلاران لێ بۆ دوو رۆژان ل دەوروبەرێن ٦٨ دۆلاران ڕاوەستیایە.

لگۆری داتایێن بۆرسێن جیهانی ئەڤرۆ چارشەمبێ ١١ی ئادارا ٢٠٢١، بەڕمیلەکا نەفتا خاڤا برێنت ب ٦٨ دۆلار و ٤٣ سەنتان بازاڕ پێ هاتیەکرن. هەڤدەم بەرمیلەکا نەفتا خاڤا ئەمریکی ژی ب ٦٤ دۆلار و ٩٤ سەنتان دهێتە فرۆتن.

ئەڤە ژی دەمەکێ دایە، ل رۆژا دووشەمبیێ ٨ێ ئادارێ ب ئاوایەکێ دەمکی بهایێ نەفتێ بۆ سەردای ٧٠ دۆلاران بلندبوو، ئەڤە ژی پشتی هێرشێن حوسییێن یەمەنێ بۆ سەر دامەزراوەیێن نەفتیێن سعودیێ، لێ پشتڕا بهایێ نەفتێ داکەفت.

ب دیتنا شەهرەزایێن ئابوری، بلندبوونا بهایێ نەفتێ د دەمێن دەربازبوویی دا پەیوەندی ب ڤەدیتنا ڤاکسینێ کۆرۆنایێ و دەستپێکرنا ڤەلڤینێن پیشەسازی و بازرگانیی ڤە هەیە و دبیت بهایێ وێ زێدەتر بلند ببیت.