سۆرانی  |  بادینی  |  English      

داخویانیا وه‌زاره‌تا دارییا عێراقێ ده‌رباره‌ی مووچه‌ی

  2021-06-12  | 
 تۆڕا نووچەیا ژیان
وه‌زاره‌تا دارییا عێراقێ ڕاگه‌هاند، نووچه‌یێ پاشداكه‌تنا مووچه‌یێ مه‌هێن داهاتی دوورن ژ ڕاستیێ و حكومه‌ت دێ دده‌ما خۆدا مووچه‌ی پارڤه‌كه‌ت.

وه‌زاره‌تا دارییا عێراقێ ڕاگه‌هاند، "حكومه‌ت پابه‌نده‌ لسه‌ر پارڤه‌كرنا مووچه‌یێ فه‌رمانبه‌ران ل ده‌ما خۆ یا ده‌ستنیشانكری بێ پاشداكه‌تن".

به‌حسا وێیه‌كێ ژی كر، وه‌زاره‌تا دارایی دێ به‌رده‌وامبیت لسه‌ر كاركرنێ ب وێ پالانا چاكسازیا حكومه‌تا فیدڕالی ڕاگه‌هاندی ده‌رباره‌ی زێده‌كرنا داهاتی و نه‌هێلانا رۆتین و گه‌نده‌لیێ.

وێ وه‌زاره‌تێ ڕاگه‌هاند ژی، "ئه‌وا ژ زارێ عه‌لی عه‌لاوی وه‌زیرێ دارایی به‌لاڤكری كو دبێژیت گوهۆرین د بهایێ دۆلاریدا ئاریشه‌یان بۆ مووچه‌ی دروستدكه‌ت دووره‌ ژ ڕاستیێ".