سۆرانی  |  بادینی  |  English      

زێده‌تری 20 رۆژنامه‌ڤان و چالاكڤانان ل هه‌ولێرێ هاتن ده‌ستبسه‌ركرن

  2021-06-12  | 
 تۆڕا نووچەیا ژیان
رۆژنامه‌ڤانه‌كێ هۆله‌ندی بناڤێ فریدریك گریدریك ڕاگه‌هاند، "ئه‌ڤرۆ دگه‌ل 20 كه‌سێن دی ل باله‌فڕخانه‌یا هه‌ولێرێ ڕێگری لمه‌ هاته‌كرن بڕیاره‌ مه‌ڤه‌گه‌ریننه‌ ڤه‌".

ئه‌ڤرۆ شه‌مبیێ، فریدریك گریدریك رۆژنامه‌ڤانێ هۆله‌ندی دده‌مه‌كی دا سه‌ره‌دانا هه‌ولێرێ كریه‌ و رێگری لێ هاتیه‌كرن و دبێژیت بڕیاره‌ بشیننه‌ وه‌لاتێ وان.

فریدریك گریدریك د چه‌ند تویتاندا به‌حسا رێگریێ دكه‌ت و دبێژیت، "پارتا داد و گه‌شه‌پێدانا (ئاكه‌پێ) ده‌ستبسه‌ر هه‌رێما كوردستانێ دا گرتیه‌ و من گوتیه‌ به‌رپرسێن باله‌فڕخانه‌یێ ژی كو پێتڤیه‌ وێنه‌یێ ئه‌ردوغانی ل ته‌نیشت وێنه‌ی بارزانی دانێن".

د تویته‌كێ دی ژی دا ئاماژه‌ ب وێیه‌كێ كریه‌، "كه‌سی نه‌گوتیه‌ مه‌ كا بۆچی ل باله‌فڕخانێ ئه‌م ڕاگرتنه‌، ئه‌ز و زێده‌تر ژ 20 كه‌سێن دی ل باله‌فڕخانه‌یێ هاتنه‌ ده‌ستبسه‌ركرن، د ده‌مه‌كێ نیزیك دا دێ دكونگره‌یه‌كێ رۆژنامه‌ڤانی دا به‌حسا وێیه‌كێ كه‌ین".

هه‌ڤده‌م، هه‌ر ئه‌ڤرۆ 27 كه‌سێن دی ژی كو مه‌ره‌ما وان گه‌هاندنا په‌یاما ئاشتیێ بوو دژی شه‌ڕی كو دخواستن سه‌ره‌دانا هه‌ولێرێ بكه‌ن چووبنه‌ باله‌فڕخانه‌یا ئه‌لمانیا ل دۆسلدۆرف، ل باله‌فڕخانه‌یێ ژ ئالیێ پۆلیسێن ئه‌لمانیا ڤه‌ رێگری ل وان هاتیه‌كرن و نها ده‌ستبسه‌رن.

ده‌مه‌كه‌ گرژی و ئالوزی دناڤبه‌را پارتا كرێكارێن كوردستانێ(په‌كه‌كه‌) و توركیا ژ ئالیه‌كێ ڤه‌ و پارتا كرێكارێن كوردستانێ و پارتی دیموكراتی كوردستان ڤه‌ زێده‌بوونه‌، هه‌ر ده‌رباری شه‌هیدبوونا پێنج پێشمه‌رگه‌یان ژی مه‌سعود بارزانی دڕاگه‌هاندنه‌كێ دا گوت، "بكه‌رێن وێ كاری دێ ب دژواری گه‌هنه‌ سزایێ خۆ".