سۆرانی  |  بادینی  |  English      

ڤیدیۆ.. موراد قه‌ره‌یلان ده‌رباره‌ی شه‌رێ براكوژیێ په‌یامه‌ك به‌لاڤكر

  2021-06-12  | 
 تۆڕا نووچەیا ژیان
پشتی ئالۆزیێن ڤێ داویێ دناڤبه‌را هێزێن پێشمه‌رگه‌ و گه‌ریلایێن په‌كه‌كێ ل سنورێن هه‌رێمێ و ب تایبه‌تی ل ده‌ڤه‌را ئامێدیێ موراد قه‌ره‌یلان داخازیه‌ك ئاراسته‌ی ئالیێن كوردی كر و دبێژیت، "ئه‌گه‌ر لهه‌مبه‌ر توركیا هوین هاری مه‌شه‌ری نه‌كه‌ن، ئاسته‌نگان لپێشیا مه‌ چێنه‌كه‌ن، ئه‌م ناخازن شه‌رێ كورد و كوردان چێببیت".

موراد قه‌ره‌یلان ئه‌ندامێ كۆنسه‌یا كوما جڤاكێن كوردستانێ (كه‌جه‌كه‌) دڤیدیۆیه‌كێ دا په‌یامه‌ك ئاراسته‌ی ڕایا گشتی و ئالیێن كوردی كر و تێدا هاتیه‌، "گازی كه‌سێن خودان وژدان و وه‌لات پارێز و دیموكراتی دكه‌م ئه‌م ناخوازن خوینا جوانێن كوردستانێ برێژیت، ئه‌م لهه‌مبه‌ر داگیركاریا توركیا شه‌ری دكه‌ن".

دبێژیت ژی، "په‌یداكرنا شه‌رێ ناڤخۆ خزمه‌تا ڤی ملله‌تی ناكه‌ت، هوین دبێژن په‌كه‌كێ هێرش كریه‌ شكیڤه‌ په‌كه‌كێ هێرشكریه‌؟، دبێژیت ژی، هێشتا ده‌رفه‌ت مایه‌ و شه‌ر پێشنه‌كه‌تیه‌ ڕاوه‌ستن".

ئاماژه‌ ب وێیه‌كێ ژی دكه‌ت، "وه‌ختێ دبێژم ڤانا ئه‌و نه‌ لاوازیه‌ ئه‌ز كوردم و من ژیێ خۆ بۆ كوردینیێ مه‌زاختیه‌ و هه‌یا مابم دێ بۆ كوردستانێ مه‌زێخم، لێ دلێ من دسوژیت، ژبه‌ركو پارتی و سه‌رۆكایه‌تیا مه‌ ناخازیت شه‌رێ كورد و كوردان چێ ببیت د چه‌رخێ 21ێ دا"‌.

دبه‌شه‌كێ دی یێ گوتنێن خۆدا قه‌ره‌یلان دبێژت، "توركیا دبێژیته‌ مه‌ هوین نه‌ ملله‌تن هوین عه‌شیرن ئه‌گه‌ر ئه‌ڤ شه‌ر چێببه‌ وی ده‌می گوتنا وان دێ ڕاست ده‌ركه‌ڤیت ئه‌م دێ بنه‌ عه‌شیر ژبه‌ركو ئه‌م ئێك و دوو دكوژن".

به‌حسا وێیه‌كێ ژی دكه‌ت، "توركیا هه‌ر چه‌نده‌ نكاریت چ تشتا بكه‌ت بتنێ ب باله‌فڕێن خو بسه‌ر مه‌دا دگه‌ریت لێ دوژمنه‌كێ هوڤه‌ ئه‌گه‌ر هوین هاری مه‌ شه‌ری ناكه‌ن ل پێشیا مه‌ ئاسته‌نگیان ژی چێنه‌كه‌ن، بۆ ده‌ما چه‌ندین ساله‌ وه‌خۆ گرتیه‌ ڤان سالان ژی خۆ بگرن بلا ڕه‌وش ئارام ببیت هنگی هوین چ دخازن ئه‌م ئامه‌ده‌نه‌ ئه‌گه‌ر مه‌ نه‌كر هنگی مافێ وه‌یه‌، ژبه‌ر وێیه‌كێ دبێژین ڕاوه‌ستن".

هه‌‌ر ئه‌ڤرۆ ژی، دڕاگه‌هاندنه‌كا كۆما جڤاكێن كوردستانێ (كه‌جه‌كه‌)دا هاتیه‌، ئه‌و شه‌ڕێ نها ل ده‌ڤه‌را مه‌تینا، ئاڤاشین و زاپ دناڤبه‌را گه‌ریلا و ئاڕتێشا توركیا دا شه‌ڕه‌كێ گرانه‌، ده‌رباره‌ی ڤێ یه‌كێ ژی دناڤبه‌را هێزێن سه‌ربازیێن پارتی دیموكراتی كوردستان و گه‌ریلایێن په‌كه‌كێ دا ئالوزی هه‌نه‌، كو "ئه‌گه‌رهه‌نه‌ ببیته‌ شه‌ڕ ".

چه‌ند رۆژان به‌ریا نها ژی، مرواد قه‌ره‌یلان ڕاگه‌هاند، "برێكا چه‌ند كه‌سان ره‌جه‌ب ته‌یب ئه‌ردوغان سه‌رۆككومارێ توركیا، شانده‌ك فرێكریه‌ ده‌ف مه‌ و گوتن لباكورێ كوردستانێ ڕاگربه‌ستێ دگه‌ل مه‌ ڕابگه‌هینن". دبێژیت ژی، "ئه‌وان ب چ ڕه‌نگا هێرش نه‌كریه‌ سه‌ر هێزێن پێشمه‌رگه‌ی و چ جارا دگه‌ل وێیه‌كێ ژی نینن شه‌ر چێببیت".

ئه‌ڤه‌ژی پشتی وێیه‌كێ دهێت، رۆژا 5ی ڤێ مه‌هێ، لگۆره‌ی ڕاگه‌هاندنا وه‌زاره‌تا پێشمه‌رگه‌ی هێزه‌كا پارتی كرێكارێن كوردستانێ (په‌كه‌كه‌) هێرش كریه‌ سه‌ر هێزه‌كا پێشمه‌رگه‌ی و ب وێ سه‌ده‌مێ ژی پێنج پێشمه‌رگه‌ شه‌هیدبوون و حه‌فتێن دی ژی برینداربوون.