سۆرانی  |  بادینی  |  English      

ئاکرێ.. بۆ جارا دوویەم شوفێرێن تەکسیان خرڤەبوونەکا نەرازیبوونێ ئەنجامدا

  2021-06-13  | 
 تۆڕا نووچەیا ژیان
ئەڤرۆ جارەکا دى شوفێرێن تەکسیان ل قەزا ئاکرێ خرڤەبوونەکا نەرازیبوونێ دژى گرانبوونا بهایێ پانزینێ ئەنجامدا.

نووچەگەهانێ تۆرا نووچەیا ژیان ل ئاکرێ ڕاگەهاند، ئەڤرۆ ل باژارێ ئاکرێ ژمارەکا شوفێرێن تەکسیا ژ بۆ گەهاندنا دلگرانی و نەرازیبوونا خۆ لهەمبەر گرانبوونا بهایێ پانزینێ قەستا سەندیکاییا کرێکارێن کوردستانێ تایێ ئاکرێ کر  وداخازا چارەسەرکرنا ڤێ ئاریشێ کر.  

هەڤدەم ژلایێ خۆ ڤە شێرزاد حسو سەرۆکێ سەندیکا کرێکاران تایێ ئاکرێ بۆ توڕا نوچەیێن ژیان دا دیارکرن،  ئەو دگەل قائیمقامێ ئاکرێ و نونەرێن شوفێران جڤیاینە و بابەتێ نەرازیبوونا شوفێران لهەمبەر  گرانبوونا بهایێ پانزینێ دگەل هندە داخازیێن دیێن شوفێران دێ گەهینە پارێزگارێ دهۆکێ بۆ ڤەدیتنا ڕێگە چارەیەکێ .

شوفێرێن تەکسییان کو هەژمارا وان نزیکی ۲۰ شوفێرانبوون داخاز دکەن کو بهایێ پانزینێ بهێتە ئەرزانکرن ژبەرکو بڤی بهای نەشێن بهایێ وەلاتیان هەر ب هزار دیناران بهێلن.

د هەمان دەمدا داینە دیارکرن ، کو بهایێ پانزینێ ل سنورێ باژێرێ ئاکرێ ل باژێرێن دی گرانترە کو نها ب بهایێ  هەر لیترەکێ۷۲٥ دینارن.

ئەڤە دەمەکیدا یە کو هەیامەکە بهایێ پانزینێ ل سەرانسەری کوردستانێ ب ئاوایەکێ بەرچاڤ بلندبوویە وجێواز دگەل قەزایێن دن ل قەزاییا ئاکرێ گرانترە.