سۆرانی  |  بادینی  |  English      

په‌رله‌مانێ كوردستانێ دێ سێ پێشنیاران بۆ داكه‌تنا بهایێ به‌نزینێ ڕاده‌ستی حكومه‌ت كه‌ت

  2021-06-13  | 
 تۆڕا نووچەیا ژیان
پشتی بهایێ به‌نزینێ ب ئاوایه‌كێ به‌رچاڤ بلندبووی لژنا سامانێ سروشتی ل په‌رله‌مانێ كوردستانێ سێ پێشنیاران بۆ داكه‌تنا بهای دێ ڕاده‌ستی حكومه‌تێ دكه‌ت.

گولیزار ڕه‌شید سندی په‌رله‌مانتارا پارتی و جیگرا سه‌رۆكێ لژنا سامانێن سرۆشتی بۆ رۆپه‌لا فه‌رمیا حزبا خۆ ڕاگه‌هاند، ده‌رباری گرانبوونا به‌نزینێ دێ جڤن و چه‌ند پێشنیار ئاماده‌كرنه‌ بۆ وێیه‌كێ پێشكێشی حكومه‌تێ بكه‌ن ب مه‌ره‌ما كێمكرنا بهایێ به‌نزینێ.

زه‌لالژیكریه‌، "پێشنیار بریتینه‌ ژ دابینكرنا نه‌فتێ بۆ پالاوگه‌هێن ناڤخۆی، ده‌رخستنا كۆبۆنا بۆ ترۆمبێلێن ته‌كسی و ده‌رفه‌تا ئینانا به‌نزینێ بۆ هه‌می كۆمپانیان و قۆرغكاری نه‌مینیت".

به‌حسا وێیه‌كێ ژی كر، دگه‌ل حكومه‌تێ دێ لسه‌ر خه‌تبین بۆ چاره‌سه‌ركرنا ڤێ ئاریشێ و دیتانا رێكه‌ چاره‌یه‌كا نوی، سه‌ده‌م زۆرن بۆ گرانیا بهایێ به‌نزینێ لێ بلندبوونا بهایێ دۆلاری كاریگه‌ریا ڕاسته‌وخۆ هه‌یه‌.

ئه‌ڤه‌ د ده‌مه‌كی دایه‌، بۆ ده‌ما زێده‌تری حه‌فتیه‌كێ یه‌ بهایێ به‌نزینێ ل هه‌رێما كوردستانێ بلندبوون بخۆڤه‌ دیتیه‌، بڕه‌نگه‌كی بهایێ ئێك لیترا به‌نزینا نورمال بۆ 700 دیناران بلندبوویه‌، هه‌ڤده‌م ل عێراقێ ژی بهایێ ئێك لیتر ب 450 دینارانه‌.