سۆرانی  |  بادینی  |  English      

ئاكرێ.. ل ناحیا گرده‌سین گه‌نجه‌كی 24 سالی خۆ خه‌ندقاند

  2021-06-13  | 
 تۆڕا نووچەیا ژیان
به‌ریا ده‌مه‌كی كێم ل ناحیا گرده‌سینا سه‌ر ب قه‌زا ئاكرێ ڤه‌ گه‌نجه‌كی 24 سالی بسه‌ده‌مه‌كی نه‌دیار داوی ب ژیانا خۆ ئینا و خۆ خه‌ندقاند.

لگۆره‌ی زانیاریێن رژیار ره‌شید نووچه‌گه‌هانێ تۆڕا نووچه‌یی یا ژیان كو ژ نێزیكێن وی گه‌نجی وه‌رگرتنه‌ دیاردكه‌ت، ئه‌و گه‌نجه‌ ناڤێ وی كوڤان شڤانه‌ و ژیێ وی 24 سالن. هه‌ڤده‌م گوت ژی، ده‌رچویێ پشكا ئنگلیزی بوو ل كۆلیژا په‌روه‌ردا ئاكرێ و ئه‌ڤرۆ ئاهه‌نگا ده‌رچوونا وی بوو.

ده‌رباره‌ی ڤێ بوویه‌رێ عه‌قید ڕه‌شید محه‌مه‌د رێڤه‌برێ پۆلیسێن قه‌زا ئاكرێ بۆ تۆڕا نووچه‌یی یا ژیان پشتراستكر و گوت، نها تیمێن پۆلیسان ده‌ست ب ڤه‌كۆلینێ كرنه‌ و هێشتا چ دیار نه‌بوویه‌ ژبه‌ر وێیه‌كێ ئه‌و نه‌شێن چ زانیاریان بده‌ن.

ئه‌ڤه‌ دووه‌م گه‌نجه‌ د ئه‌ڤ ساله‌دا ل ناحیا گرده‌سین خۆ دخه‌ندقینن و سه‌ده‌مێن وان ژی ناهێن زانین، لێ لگۆر گوتنا مالباتێن وان دگه‌ل پۆلیسان ئاشكرا دكه‌ن كو چ ئاریشه‌ نه‌بووینه‌.