سۆرانی  |  بادینی  |  English      

هه‌په‌گێ كوشتا هه‌شت سه‌ربازێن توركیا ڕاگه‌هاند

  2021-06-13  | 
 تۆڕا نووچەیا ژیان
هه‌په‌گه‌ بالێ سه‌ربازیێ پارتا كرێكارێن كوردستانێ په‌كه‌كێ ڕاگه‌هاند، د روبرووبوونێن دگه‌ل ئاڕتێشا توركیا دا ل چه‌ند ده‌ڤه‌رێن جودا هه‌شت سه‌ربازێن توركیا كوشتنه‌.

ناڤه‌ندا ڕاگه‌هاندن و چاپه‌مه‌نیا هه‌په‌گێ ده‌رباره‌ی چالاكیێن هێزێن خۆ ل ده‌ڤه‌رێن بۆتان، زاب، ئاڤاشین، مه‌تینا و خواكورك به‌یاننامه‌یه‌ك به‌لاڤكرن‌ و ڕاگه‌هاند، هه‌شت سه‌ربازێن توركیا كوشتنه‌.

هه‌په‌گێ ئاماژه‌ ب وێیه‌كێ كریه‌، د به‌رسڤدانه‌كێ دا ل هه‌رێما بۆتان ژبلی تێكشكاندنێ تۆڕا ته‌له‌فون و ئینته‌رنێت، ئێك ژ جاشان ژی بوونه‌ ئارمانجێن گه‌ریلایان، لێ زانیاری نه‌بوونه‌ لسه‌ر هه‌بوونا جاشان، ژبه‌ركو چ ده‌مان جاش نه‌ ئارمانجا وان بوونه‌، ب وێ سه‌ده‌مێ ژی سه‌ره‌خوشیێ ل مالباتا محه‌مه‌د بابات دكه‌ن، كو د وێ چالاكیێ دا كوشتنه‌.

ل گۆره‌ی ڕاگه‌هاندنێ ل هه‌رێما ئاڤاشین ژبلی خستنا خارێ یا چه‌ند باله‌فڕێن بێ باله‌فڕڤانیا ئاڕتێشا توركیا، ده‌ست ژی بسه‌ر چه‌ند چه‌ك و ته‌قه‌مه‌نی و كه‌لوپه‌لێن سوربازیێن ئاڕتێشا توركیا دا گرتنه‌ و ل هنده‌ك ده‌ڤه‌ران ژی ئاڕتێشا توركیا پاشڤه‌برنه‌.