سۆرانی  |  بادینی  |  English      

وەزارەتا بازرگانیا عێراقێ ٤٢٩ ملیار دینارێن دی یێن گەنمێ جوتیاران مەزاختن

  2021-03-11  | 
 تۆڕا نووچەیا ژیان
وەزارەتا بازرگانیا عێراقێ مەزاختنا ٤٢٩ ملیار دینارێن دی یێن پارێ گەنمێ جوتیارێن عێراق و هەرێما کوردستانێ ڕاگەهاند.

وەزارەتا بازرگانیا عێراقێ ڕاگەهاند، وەکو قوناغا هەشت و نەهـ ژ پارێ گەنمێ جوتیاران بۆ سالا ٢٠٢٠ێ ب کوژمێ ٤٢٩ ملیار دینار بۆ بەنکا شاندنە.

درەنگیا شەڤا دەربازبووی وەزارەتێ ڕاگەهاندنەک دەربارەی پارێ گەنمێ جوتیارێن عێراقێ بەلاڤکریە، و داخاز ل هەمی لق و کومپانیێن دەخل و دانی کریە چەکێ تایبەت ب جوتیاران رێکبێخن وەکی قوناغا هەشت و نەهـ یێن تایبەت ب گەنمێ سالا ٢٠٢٠ێ.

چەکێ قوناغا حەفت یێ شایستە دارایێن هەرێما کوردستانێ بۆ سالا ٢٠٢٠ێ ل رۆژا نەهێ یێ ڤێ مەهێ گەهشتیە هەرێما کوردستانێ سەرجەمێ گشتی ژی دکەتە ٢٢ ملیار و ٢٦٠ ملیۆن دینار.