سۆرانی  |  بادینی  |  English      

تورکیا بارەگایەکێ سەربازى یێ نوو دامەزراند

  2021-03-11  | 
 تۆڕا نووچەیا ژیان
دەولەتا تورکیا ل رۆژئاڤایێ عەین عیسا بارەگایەکێ دیێ سەربازى دامەزراند، و سیستەمێ ڕادارى لێ جێگیرکر.

دەولەتا تورکیا ل رۆژئاڤایێ عەین عیسا بارەگایەکێ دیێ سەربازى دامەزراند، ئەو بارەگایە کیلۆمەترەکێ لسەر ڕێکا (ام فۆر) و نێزیک گوندێ حوشانى یە، د بارەگایێ نوودا زریپۆشێن سەربازى و چەکێ قوررس جێگیرکرینە.

تورکیا د دەمێ سێ مەهان دا ٢ کیلومەتران ژ ناڤەندا دەڤەرا عەین عیسا ٣ بارەگایێن سەربازى دامەزراندینە، د وى بارەگای دا دەولەتا تورکیا ل نێزیک رێکا (ام فۆر) ب قووڵایا ٣٢کم ل ئاخا سووریا دا سیستەمێ ڕادارى جێگیرکریە.
ئەڤە ژى دەمەکیدا یە کو ل بەریا ناها ژى تورکیا چەندین بارەگایێن خۆ ل  باشور و ڕۆژئاڤایێ کوردستانێ دامەزراندینە و دنها دا ژى زێدەتر ٢٠ بارەگایێن سەربازى ل سنورێ پارێزگەها دهوک دامەزراندینە و ڕۆژ بو ڕۆژێ ژمارا سەربازێن خو ل ڤان بارەگایان زێدەتر لێ دکەت