سۆرانی  |  بادینی  |  English      

حكومه‌تا عیراقێ رێكاره‌ك دژی كۆمپانیا كۆره‌ك تیلیكۆم گرته‌به‌ر

  2021-06-23  | 
 تۆڕا نووچەیا ژیان
ده‌سته‌یا ڕاگه‌هاندن و په‌یوه‌ندیێن عیراقێ ڕاگه‌هاند، كۆمپانیا كۆره‌ك تیلیكۆم پیگیرنه‌بوویه‌ ب وان بابه‌تێن یاسای و هونه‌ری و دارایی كو دكه‌ڤنه‌ سه‌ر ملێ وان، زێده‌باری وان هه‌موو هایداركرنێن كو ب كۆمپانیێ هاتینه‌دان.

دڕاگه‌هاندنه‌كێ دا، ده‌سته‌یا ڕاگه‌هاندن و په‌یوه‌ندیێن عیراقێ به‌حسا وێیه‌كێ كر، بسه‌ده‌ما وێیه‌كێ كۆمپانیا كۆره‌ك تیلیكۆم پابه‌ندنه‌بوویه‌ ب وان ئه‌ركێن یاسای و هونه‌ری و دارایی كو دكه‌ڤنه‌ سه‌ر ملێ وان، ژبه‌ر وێیه‌كێ پێنگاڤێن نوی دژی وێ كۆمپانیێ گرتنه‌به‌ر و پێنگاڤ دگه‌هنه‌ ئاستێ بكارئینانا هه‌موو ئه‌وان رێكارێن كو دگرێبه‌ستێ دا هاتینه‌، ئه‌ڤه‌ژی لپێناڤ پاراستنا مافێ به‌ژداربوویان.

لگۆره‌ی ڕاگه‌هاندنێ ژی، خزمه‌تگوزاری بۆ به‌ژداربووێن كۆره‌ك تیلیكۆم بریكا تۆرێن دی یێن په‌یوه‌ندیكرنێ دێ هێنه‌ دابینكرن.

هه‌ڤده‌م، ده‌سته‌یا ڕاگه‌هاندن و په‌یوه‌ندیا عیراقێ ئاماژه‌ ب وێیه‌كێ ژی كریه‌، هه‌ڤبه‌شێن كۆمپانیا كۆره‌ك تیلیكۆم ئاگه‌هداردكه‌ین ئه‌و رێكاره‌ دێ ل چه‌ند رۆژێن داهاتی دا دژی كۆره‌ك تیلیكۆم دێ گرنه‌به‌ر، بۆ پابه‌ندبوون ب یاسایا و پاراستنا مولك و مالێ گشتی و مافێ بكارئینه‌ری.