سۆرانی  |  بادینی  |  English      

دهۆک : گرانبوونا بهایێ بەنزینى یا بەردەوامە

  2021-03-11  | 
 تۆڕا نووچەیا ژیان
پشتی کو بهایێ بەنزینێ ڕەنگەکێ بەرچاڤ ل پارێزگەها دهۆکێ بلندبووی دلگرانی و نەرازیبوونا شۆفێران لێکەفتیی.

دەربارەیى ڤێ یەکێدا  دا ڕزگار نێروەیی سکرتێرێ جڤاتا پارێزگەها دهۆکێ ل داخویانیەکا تایبەت دا ب تۆڕا نووچەیی یا ژیان ڕاگەهاند، ئێک ژ ئەگەرێن سەرەکی یێن بلندبوونا بهایێ بەنزینێ ڤەدگەڕیت بۆ بلندبوونا بهایێ دۆلاری کو کارتێکرنەکا ڕاستەوخۆ کریە سەر بهایێ بەنزینێ ژبەرکوو ڕێژەیا هەرا زۆر یا بەنزینێ ژدەرڤە دهێت و ل دیڤچوونێن واندا دەرکەفتیە کو بازرگان ب دۆلاری بەنزینێ دکڕن و ڤێ یەکێ ژی ئەو نەچارکرینە بهایی گران بکەن.

ناڤبرى گۆت ژی، ئەم داخازێ ژ حکومەتێ دکەین بهێتە سەر خەت و ڕێکێ ل زێدەتر گران بوونا بەنزینێ بگریت داکو چدی کارتێکرن لسەر وەلاتیان و شوفێران درۆست نەبیت.

سکرتێرێ جڤاتا پارێزگەهێ گۆت ژی لژنەیێن وان یێن تایبەت بڤی بابەتی ڤە ب هویری دویڤچوونا هەموو بەنزینخانەیان دکەن و هەر جوادهیەک د بهایی دا یانژی هەر سەرپێچیەک بهێتە کرن دێ ڕێکارێن یاسایی بەرامبەر هێنە وەرگرتن.

ئەڤڕۆ ١١ی ئازارا ٢٠٢١ ێ بهایێ هەر لترکا بەنزینا نورمال ل دهۆکێ ب ٦٠٠ دیناران بوویە و بەنزینا محەسەن ژی ب ٦٧٥ دیناران بوویە ، لگۆری داخویانیەکا ئەحمەد جەمال نوینەرێ کۆمپانیا مەتین یا تایبەت ب ئینانا بەنزینێ کو ژبۆ تۆڕا نووچەیی یا ژیان دایە،  ئەو پێشبینی دکەن د ئایندەیەکی نێزیکدا بهایێ بەنزینێ هەتاکو ١٠٠ دینارێن دی ژی گرانتربیت .

دهوک : مازن شنگالی