سۆرانی  |  بادینی  |  English      

ساخلەمیا عیراقێ : وەلات چوویە د پێلا سێیەم یا کۆرۆنایێ دا

  2021-06-26  | 
 تۆڕا نووچەیا ژیان
وەزارەتا ساخلەمى و ژینگەها عیراقێ ڕاگەهاند، وەلات چوویە ناڤ پێلا سێیەم یا کۆرۆنایێ دا، کو مەترسیدارترە ژ هەردوو پێلێن بەریا نها.

سەیف بەدر پەیڤدارێ وەزارەتا ساخلەمى و ژینگەها عیراقێ، د داخویانیەکێ دا بۆ ئاژانسا نووچەیا عیراقێ ڕاگەهاندیە، ئەو پێلە یا نوویا کۆرۆنایێ کو هاتیە وەلاتى، پێلا سێیەمە و مەترسیدارترە ژ هەردوو پێلێن ئێکەم و دوویەم.

پەیڤدارێ وەزرارەتا ساخلەمیا عیراقێ ئاشکەرا ژى کر، باشترین ڕێک  بۆ خۆپارێزیێ گرێدانا ماسکیە و دوورکەفتنە ژ جهێن قەرەبالخ و وەرگرتنا ڤاکسینا دژى کۆرۆنایێ یە.

ل بەشەکێ دیێ گوتنا خودا پەیڤداڕێ وەزارەتا ساخلەمیێ تەکەز کریە، ژ پێتڤیان پێگریکرن و جێبەجێکرنا ڕێنما و بڕیارێن لژنا بلندا ساخلەمى و سلامەتیا نیشتیمانى نە، داخاز ژى ژ تەڤایا دەزگایێن ڕاگەهاندنێ کریە، کاربکەن لسەر پەخشکرنا پەیامێن رەوشەنبیرى و رێنمایێن ساخلەمیێ و پشتبەستن ب ژێدەرێن ساخلەمیێ ل دەمێ ڤەگۆهاستنا زانیاریان.