سۆرانی  |  بادینی  |  English      

بهایێ نەفتێ د بازارێن جیهانێ دا بلندبوو

  2021-03-12  | 
 تۆڕا نووچەیا ژیان
پشتی بلندبوونا دوهی یا بهایێ نەفتێ، ئەڤرۆ ئەینی ب بلندی مایە و بەڕمیلەکا نەفتا برێنت نێزیکی ٧٠ دۆلاران بازار پێ دهێتە کرن.

لگۆری داتایێن بۆرسێن جیهانی ئەڤرۆ ئەینی ١٢ی ئادارا ٢٠٢١، بەڕمیلەکا نەفتا خاڤا برێنت ب ٦٩ دۆلار و ٣٦ سەنتان بازاڕ پێ دهێتەکرن. هەڤدەم بەڕمیلەکا نەفتا خاڤا ئەمریکی ژی ب ٦٥ دۆلار و ٧٠ سەنتان دهێتە فرۆتن.

ئەڤە ژی دەمەکێ دایە، ل رۆژا دووشەمبیێ ٨ێ ئادارێ ب ئاوایەکێ دەمکی بهایێ نەفتێ بۆ سەردای ٧٠ دۆلاران بلندبوو، ئەڤە ژی پشتی هێرشێن حوسییێن یەمەنێ بۆ سەر دامەزراوەیێن نەفتیێن سعودیێ، لێ پشتڕا بهایێ نەفتێ داکەفت.

ب دیتنا شەهرەزایێن ئابوری، بلندبوونا بهایێ نەفتێ د دەمێن دەربازبوویی دا پەیوەندی ب ڤەدیتنا ڤاکسینێ کۆرۆنایێ و دەستپێکرنا ڤەلڤینێن پیشەسازی و بازرگانیی ڤە هەیە و دبیت بهایێ وێ زێدەتر بلند ببیت.