سۆرانی  |  بادینی  |  English      

رێكخراوه‌كا جیهانی: هه‌ر خوله‌كه‌كێ 11 كه‌س ل جیهانێ بسه‌ده‌ما برسیبوونێ دمرن

  2021-07-09  | 
 تۆڕا نووچەیا ژیان
رێكخراوا ئۆكسفامی كو تایبه‌ته‌ ب به‌رهنگاربوونا هه‌ژاریێ ڕاگه‌هاند، هه‌ر خوله‌كه‌كێ 11 كه‌س لسه‌رتا سه‌ری جیهانێ بسه‌ده‌ما برسیتیێ و هه‌ژاریێ ل جیهانێ ژیانا خۆ ژ ده‌ستدده‌ن.

وێ رێكخراوێ دڕاپۆرته‌كێ دا ب ناڤونیشانێ برسیتی گه‌شێ دكه‌ت، ڕاگه‌هاندیه‌، هه‌ژمارا وان كه‌سێن برسیبوونێ كوشتینه‌ گه‌له‌ك زێده‌تر ژ وێیا كو ب كۆرۆنایێ ژیانا خۆ ژ ده‌ستداین، ب وی ڕه‌نگێ دهه‌ر خۆله‌كه‌كێ دا 7 كه‌س ب كۆرۆنایێ دمرن، لێ برسیبوون دهه‌ر خۆله‌كه‌كێ دا 11 كه‌سان دكوژیت.

ئاماژه‌ ب وێیه‌كێ ژی كریه‌، لسه‌رانسه‌ری جیهانێ 155 ملیۆن كه‌س د ده‌ستێ نه‌بوونا خوراكێ پێتڤی و برسیبوونێ دا دنالینن، ب وێیه‌كێ ژی 20 ملیۆن كه‌س زێده‌تركریه‌ ب هه‌ڤبه‌ركرن دگه‌ل سالا پار.

ڕێكخراوی ڕاگه‌هاندیه‌ ژی، ئه‌ڤ ساله‌ هه‌ڤبه‌ر ب سالا ده‌ربازبووی، هه‌ژمارا وان كه‌سێن ب سه‌ده‌ما برسیتیێ مرنه‌ شه‌ش جاران زێده‌تر كریه‌.

دڕاپۆرتێ دا ئه‌و ژی هاتیه‌، ئه‌و پاره‌یێ دبیاڤێن سه‌ربازیدا هاتیه‌ بكارئینان كۆژمێ 51 ملیاردۆلاربوویه‌، ئه‌و ژی ئه‌و پاره‌یه‌ كو نه‌ته‌وه‌یێن ئێكگرتی پێتڤی پێ هه‌یه بۆ نه‌هیلانا برسیتیێ.