سۆرانی  |  بادینی  |  English      

ب تۆهمەتا هەڤکاریکرنا ئیرانێ ئەمریکا 34 کۆمپانى ئێخستنە د لیستا ڕەش دا

  2021-07-10  | 
 تۆڕا نووچەیا ژیان

وەزارەتا بازرگانیا ئەمریکا ئاشکەراکر، 34 کۆمپانى دناڤا لیستا ڕەش یا دۆرپێچا ئابوورى دا زێدەکرینە.

ئاژانسى نووچەیا ڕۆیتەرز بەلاڤکریە، وەزارەتا بازرگیانیا ئەمریکا ڕاگەهاندیە، کودناڤا وان 34 کۆمپانیان دا زێدەتر ژ 10 کۆمپانیێن چینى نە و ئێخستینە لیستا ڕەش یا دۆرپێچا ئابوورى، ئەو کۆمپانێن دى یێن وەلاتێن ئیران، چین و ڕوسیا و ژمارەک وەلاتێن دىینە.

وەزیرێ بازرگیانیا ئەمریکا گوتیە، کو ژ وان 34 کۆمپانیان و کەسایەتیان کو دۆرپێچا ئابوورى ئێخستیە سەر 8 کەسایەتى و کۆمپانی هەڤکار بووینە دگەل ئیرانێ و کەلوپەلێن ئەمریکى برینە بۆ ئیرانێ.

هەڤدەم ئەویەکە ژى دیارکریە، 6 کۆمپانى هەڤکار بووینە دگەل بەرنامەیێ سەربازیێ ڕوسیا و ئێخستینە لیستا ڕەش یا هاریکاریێن ئابوورێ ئەمریکا.

ئەڤە ژى د دەمەکیدایە، تانها ب سەدان کۆمپانى و کەسایەتیێن جێۆاز ئەمریکا ئێخستینە لیستا دۆرپێچا ئابوورى ب تۆهمەتا هەڤکاریکرنا کەرتێ نەفت و ئەتومیێ ئیرانێ.