سۆرانی  |  بادینی  |  English      

بنگه‌هه‌كێ ئه‌مریكا ل سوریا هاته‌ هاوون بارانكرن

  2021-07-11  | 
 تۆڕا نووچەیا ژیان
بنگه‌هه‌كێ سه‌ربازیێ ئه‌مریكا ل نێزیك دێره‌زوورێ ل سوریا ب چه‌كێ هاونێ هاته‌ بۆمبه‌بارانكرن.

ئاژانسا سپۆتنیكا رووسی به‌لاڤكریه‌، بنگه‌هێ كونیكۆیا ئه‌مریكا كو نیزیكی كومه‌لگه‌ها پالاوتنا غازا سروشتییا وێ ده‌ڤه‌رێ یه‌ ل دێره‌زوورێ ژ ئالیێ چه‌ند چه‌كدارێن نه‌ناسكریڤه‌ هاته‌ هاوون بارانكرن .

ئاماژه‌ ب وێیه‌كێ ژی كر، لگۆره‌ی زانیاریان هێرشێ چ زیانێن گیانی نه‌بوون زیان بتنێ ماددی بوون.

ئه‌ڤه‌ ژی چه‌نده‌مین جاره‌ ژ ئالیێ چه‌كدارێن نه‌ناسكری ڤه‌ بنگه‌هێن ئه‌مریكی ل سوریا و عیراقێ دبنه‌ ئارمانج و هه‌ڤده‌م ژماره‌یه‌كا سیناتۆرێن كۆماریان ل جڤاتا پیرانا ئه‌مریكی د وێ باوه‌رێ دانه‌ كو "سیاسه‌تا بایدن و هێرشكرنا سه‌ر گرۆپێن میلیشیاتێن ئیرانی نه‌یا چالاكه‌ و چ كاریگه‌ری نه‌بووینه‌".