سۆرانی  |  بادینی  |  English      

ئه‌ڤرۆ دادگه‌هكرنا به‌شه‌ك ژ ده‌سته‌سه‌ركریێن بادینان دێ برێڤه‌چیت

  2021-07-13  | 
 تۆڕا نووچەیا ژیان
ئه‌ڤرۆ دادگه‌هكرنا پێنج ژ ده‌سته‌سه‌ركریێن بادینان ل دادگه‌ها كه‌تنا دوو یا هه‌ولێرێ ب به‌رهه‌ڤبوونا چار ده‌سته‌سه‌ركریێن دی وه‌كی شاهد دێ برێڤه‌چیت.

هه‌رێم ره‌فعه‌ت عه‌بدولا، ئێك ژ پارێزه‌رێن ده‌سته‌سه‌ركریێن یادینان بۆ تۆڕا نووچه‌یی یا ژیان ڕاگه‌هاند، "ئه‌ڤرۆ ب به‌رهه‌ڤبوونا نه‌هـ ده‌سته‌سه‌ركریان دادگه‌هـ دێ برێڤه‌چیت كو پێنج ژ وانا وه‌كو توهمه‌تبار و چارێن دی ژی وه‌كی شاهد لسه‌ر وان دێ به‌ژداری دادگه‌هێ بن".

ئاماژه‌ ب وێیه‌كێ ژی كر، "دیاره‌ ئه‌و توهمه‌تێن هاتینه‌ ئاراسته‌كرن ئه‌ون كو ئه‌وان گرۆپه‌كێ واتس ئابی هه‌یه‌ یان ژی هزرا وان ئه‌وبوو بزاڤه‌كا سیاسی دروستبكه‌ن بناڤێ بزاڤا ئاینده‌ و هه‌ڤكاری ژ دكتور به‌رهه‌م سه‌رۆك كومار و مسته‌فا كازمی سه‌رۆك وه‌زیرێن عیراقێ وه‌رگرتنه"‌.

به‌حسا وێیه‌كێ ژی كر، "لسه‌ر كومه‌كا تشتێن سه‌یروسه‌مه‌رێن دی ژی هاتنه‌ توهمه‌تباركرن كو دبێژن ئه‌وان دهزرێدابوو ته‌قێ ل پارێزگارێ دهۆكێ بكه‌ن یان ترۆمبێلا ئارین مه‌سرور بارزانی كورێ سه‌رۆكێ حكومه‌تێ بته‌قینن".

هه‌ڤده‌ك گوت ژی، "چ به‌لگه‌یێن دیتن و بهیستی لبه‌ر ده‌ستێ دادگه‌هێ نینن و ده‌سته‌سه‌ركری ژی بهه‌می ڕه‌نگا وان توهمه‌تا ڕه‌تدكه‌ن، لێ دادگه‌هـ پشتا خۆ ب دوو شاهدێن نهێنی گرێدده‌ت و مه‌ ژی داخازا ئاماده‌بوونا وان شاهدانكریه‌".

ئه‌ڤه‌ د ده‌مه‌كی دایه‌، رۆژا 5ی ڤێ مه‌هێ دادگه‌هكرنا نه‌هـ رۆژنامه‌ڤان و چالاكڤانێن ده‌سته‌سه‌ركریێن دی یێن بادینان هاتبوو پاشداخستن و سه‌ده‌م ژی بۆ وێیه‌كێ ڤه‌گه‌راندن كو ئێك ژ دادوه‌ران مووله‌ت وێ رۆژێ وه‌رگرتبوو".

هه‌ڤده‌م، ل گۆره‌ی مادده‌یێ (1) ژ یاسایا 21ێ یا سالا 2003ێ یا په‌رله‌مانێ كوردستانێ كو بسه‌ده‌ما سیخوری و تێكدانا ئاسایشا هه‌رێمێ ئه‌و چالاكڤان و رۆژنامه‌ڤانێن هاتینه‌ ده‌سته‌سه‌ركرن دێ هێنه‌ دادگه‌هكرن.