سۆرانی  |  بادینی  |  English      

ل دهۆكێ جڤینه‌كا تایبه‌ت بۆ رێنمایێن هه‌وا هه‌لبژارتنان هاته‌ ئه‌نجامدان

  2021-07-13  | 
 تۆڕا نووچەیا ژیان
بۆ ده‌ستپێكرنا هه‌وا هه‌لبژارتنێن جڤاتا نوینه‌رێن عیراقێ و پاراستنا سیمایێ باژاری كارگێریا پارێزگه‌ها دهۆكێ دگه‌ل هه‌می ئالیێن په‌یوه‌ندیدار جڤینه‌كا تایبه‌ت ئه‌نجامدا و تێدا به‌حسا چه‌ندین رێنمایان كرن.

كارگێریا پارێزگه‌ها دهۆكێ ڕاگه‌هاند، ئەڤرۆ سێشه‌مبی به‌رواری 13ی 7ی 2021ێ ل هولا جڤینێن پارێزگه‌ها دهۆكێ ب به‌رهه‌ڤبوونا ماجد سەید سالح جێگرێ پارێزگارێ دهوکێ و ب ئامادەبوونا بەرێزان خالد عەباس بەرپرسێ نڤێسینگەها کۆمسیوونا هەلبژارتنان و هەمی دەڤەردارێن و رێڤەبەرێن باژێرڤانیان و رێڤەرێن دام و ده‌زگه‌هێن میری یێن ئێمناهیێ و چەند نووینەرێن قەواره‌یێن سیاسی و چەند بەربژارێن لایەنێن سیاسی جڤینه‌كا هەڤبەش هاتە ئەنجامدان.

ئاشكرا ژی كریه‌، دجڤینێ دا به‌حس ل چه‌ندیین بڕیار و رێنمایان گرنگ هاته‌كرن ب تایبه‌تی رێنمایێن هه‌ڤبه‌ش دناڤبه‌را ئالیێن په‌یوه‌ندیدار و كۆمسیوونا هه‌لبژارتناندا.

ئاماژه‌ ب وێیه‌كێ ژی كر، جڤین ژبوی وێیه‌كێ یه‌ رێكخستنه‌كا ب رێكوپێك بهێته‌ دانان بۆ هه‌وا هه‌لبژارتنان بۆ جڤاتا نوینه‌رێن عیراقێ و پاراستنا سیمایێ پارێزگه‌ها دهۆكێ یه‌.

ئه‌و رێنمایه‌ ژی ئه‌ڤه‌نه‌:

ـ رێنمایێن کۆمیسیوونێ و باژێرڤانیان بەرچاڤ بهێنە وەرگرتن.

ـ کەرەستێن کارتێکرنێ ل سیمایێ باژێری دکەن نەهێنە بکار ئینان

ـ دەردورێن فەرمانگەهان نەهێنە بکارئینان

ـ رێیێن پیادەو و یێن هاتنوچونا ترومبێلان نەهێنە بکارئینان بو پوستەرێن بەربژاران

ـ سەرجەم جهێن ئاینی نەهێنە بکارئینان بتنێ بو کومسیونێ هەیە ب رێیا وان جهان ئاگەهداریان بگەهینیتە هاولاتیان

ـ رێنمایێن هاتنوچونێ بەرچاڤ بهێنە وەرگرتن