سۆرانی  |  بادینی  |  English      

ئەمریکا: ژ ئەڤرۆ پێدا ئەم ب هێزا سەربازی ڕژێمان ناگۆهڕین

  2021-03-04  | 
 تۆڕا نووچەیا ژیان
ئەنتۆنی بلینکن وەزیرێ دەرڤەیێ ئەمریکا سۆزدا، واشنتن ب چ ڕەنگەکێ هێزێ بۆ ژناڤبرنا ڕژێمان بکارنەئینیت، ب دیتنا وی دەستڤەدانێن بەرێ ناڤودەنگیا دیموکراسیا ئەمریکا تێکدایە.

وەزیرێ دەرڤەیێ ئەمریکا دیارکریە ژی، "ئیدارەیا جۆ بایدن بزاڤان دکەت ئاراستەیا دەستڤەدانێن سەربازیێن بەرێ بگۆهڕیت، کو بۆ گۆهڕینا سیستەمێن وەلاتان جیبجیدکر، ل جهێ ڤێ ژی بەرێ خۆ ددەتە گۆتۆبێژێن دیپلۆماتی".

وەزیرێ دەرڤەیێ ئەمریکا ئەو یەک ژی دازانین، دەستڤەدانێن بەرێ ناڤودەنگیا دیموکراسیەتێ تێکدایە و باوەریا گەلێ ئەمریکا ژی ژ دەستدایە.

تەکەز کر ژی، ئەو ژ ئەڤرۆ پێدا ڕێکێن جوداتر دێ پەیڕەوکەن و پشتەڤانیا دیموکراسیەتێ ب ڕێکا دەستڤەدانا سەربازی ناکەن، یان بزاڤکرن بۆ ژناڤبرنا ڕژێمەکێ ب ڕێیا هێزێ، ژبەرکو خەرجی و بودجەیەکێ مەزن دڤێت.

د داوییا گوتنێن خۆ دا وەزیرێ دەرڤەیێ ئەمریکا دایەزانین، نەبەرهەڤیا ئەمریکا لسەر شانۆیا جیهانێ دبیتە سەدەما پەیدابوونا بێسەروبەریێ، د نها دا ژی چین تاکە دەولەتە دژاتیا سیستەمێ نوویێ جیهانی دکەت و وی وەلاتی جهێ خۆ گرتیە.