سۆرانی  |  بادینی  |  English      

تورکیا ڕازیبوویە ب بەردانا پشکا ئاڤا دادپەروەریانە یا عیراقێ

  2021-03-14  | 
 تۆڕا نووچەیا ژیان
مەهدى رەشید حەمدانى وەزیرێ ژێدەرێن ئاڤێ ل عیراقێ ڕاگەهاند، پەرلەمانێ تورکیا ڕازیبوون نیشاندایە لسەر یاداشتا لێکتێگەهشتنا دناڤبەرا تورکیا و عیراقێ، کو ئەنقەرە پێگردکەت ب ب بەردانا پشکا ئاڤا عیراقێ.

حەمدانى د داخویانیەکا ڕۆژنامەڤانی دا ڕاگەهاند، هنارتیێ تایبەتێ تورکیا تەکەزى کریە ل هەبوونا ڕێککەفتنێ و یاداشتا هەڤبەش، کو ب ڤان نێزیکا دێ چنە بوارێ جێبەجێکرنێ.

وەزارەتا ژێدەرێن ئاڤێ تەکەز کریە، پەرلەمانێ تورکیا ڕازیبوونا خو نیشاند دایە لسەر وێ یاداشتا لێکتێگەهشتنێ کو تورکیا پێگر دکەت ب بەردانا پشکا ئاڤا عیراقێ ب ڕەنگەکێ دادپەروەریانە.

ئاماژە ب وێ چەندێ ژى کریە، لایەنێ عیراقى تانها نێزیکى ٦ کۆمبوون دگەل تورکیا دا د دەمێ بووریدا  ئەنجامداینە.

ئەڤە ژى دەمەکیدایە، ب سەدەما دروستکرنا چەند بەنداڤەکێن مەزن لسەر رێکا هەردوو ڕوبارێن دیجلە و فورات دا، د وەرزێ گشتوکاڵى  و هاڤینێ دا ئاریشەیا کێمیا ئاڤێ بۆ عیراقێ دروستدبیت و بەشەکێ دەڤەرا دەلتا دناڤبەرا دیجلە و فورات بەرەڤ بیابانیێ چوویە و کارتێکرن هەبوویە لسەر کێمبوونا چاندنا هندەک گشتوکالى، کو پێتڤى ب ئاڤەکا زور هەیە.