سۆرانی  |  بادینی  |  English      

ئیرانێ هێرشێن ئەمریکا بۆ سەر هێزێن عیراقى شەرمزار کر

  2021-03-15  | 
 تۆڕا نووچەیا ژیان
نوینەرێ ئیرانێ ل نەتەوێن هەڤگرتی راگەهاند، هێرشێن ئەسمانیێن ئەمریکا بۆ سەر هێزێن عێراقی ب توندى شەرمزار دکەن، ب چ ڕەنگان ئیرانێ دەست نەبوویە دگەل وان هێرشێن ڤێ داویێ لسەر بنگەهێن ئەمریکا ل وی ولاتی.

لگۆرى نووچەیەکێ ئاژانسا میهریا سەر ب حکومەتا ئیرانێ، مەجید تەخت ڕوونجى نوینەرێ هەرتمیێ ئیرانێ ل نەتەوێن هەڤگرتی د نامەیەکێ دا بۆ ئەنتۆنیۆ گۆتێرس سکرتێرێ گشتیێ نەتەویێن هەڤگرتی دیارکریە، ئیرانێ ب چ ڕەنگان دەست د هێرشێن ڤان داویان یێن لسەر بنگەهێن ئەمریکا ل عیراقێ هاتینەکرن نەبوویە، هێرشێن ئەسمانیێن ئەمریکا بۆ سەر هێزێن عێراقی بنپێکرنا یاسایێن نیڤدەولەتیە .

د بەرسڤا بانگەشەیێن هنارتیێ ئەمریکا دا کو گوتیە هێرشێن سەر بنگەهێن وان ل عێراقێ ب هێزێن پشتەڤانیا ئیرانێ بوویە، نوینەرێ هەرتمیێ ئیرانێ دایەزانین، کو بزاڤ هاتینە کرن ئیرانێ توهمەتبار بکەن ب پشتەڤانیا گرۆپێن چەکداریێن نەفەرمیێن ناڤ عێراقێ و د دەمێ دەربازبوویی دا ئەو بانگەشە ب ڕەنگەکێ بێ قید و شەرت ڕەتکرینە .

دیارکریە ژى، کۆمارا ئیسلامیا ئیرانێ ب چ ڕەنگەکێ ڕاستەوخۆ و نەڕاستەوخو پشکداری د هێرشێن چەکداریێن چ کەسەکى و گروپەکى دژى ئەمریکا ل عیراقێ نەکریە و ڤان جۆرە گوتنان ڕەتدکەن و ئەڤ جۆرە بانگەشە ب تەمامى بێ بنەمانە و چ شەرعیەتەکا یاساى نینە .

هەروەسا گوتیە، کۆمارا ئیسلامیا ئیرانێ هێرشێن سەربازیێن هێزێن ئەمریکا بۆ سەر هێزێن عێراق و سوریا لسەر سنورى شەرمزار دکەت .