سۆرانی  |  بادینی  |  English      

بهایێ نەفتێ دووبارە ژ 70 دۆلاران نێزیکبوو

  2021-03-15  | 
 تۆڕا نووچەیا ژیان
ئەڤرۆ بهایێ نەفتێ دووبارەی بلندبوو و ژ ٧٠ دۆلاران نێزیکبوو، د نها دا بەرمیلەکا نەفتا برێنت ب ٦٩ دۆلار و ٦٢ سەنتان بازاڕ پێ دهێتەکرن.

هەڤدەم، بەرمیلەکا نەفتا خاڤا ئەمریکی ب ٦٦ دۆلار و ٣ سەنتان د بازاڕان دا دهێتە فرۆتن.

ئەڤە ژی دەمەکێ دایە، د چەند ڕۆژێن دەربازبوویی دا بۆ یەکەمجار پشتی زێدەتری سالەکێ بهایێ نەفتێ گەهشتە ٧٠ دۆلاران، لێ پشترا بهایێ وێ ب چەند دۆلاران داکەفت.

بلندبوونا بهایێ نەفتێ باندۆری لسەر ئابوریا عێراقێ و هەرێما کوردستانێ دبیت، ب وێ چەندێ کو پتریا داهاتێ وان پشتگرێدانە ب فرۆتنا نەفتێ.