سۆرانی  |  بادینی  |  English      

پارێ گەنمێ جوتیاران گەهشتە دهۆکێ

  2021-03-15  | 
 مازن شنگالی
رێڤەبەرێ بازرگانیا دەخل و دانی ل دهۆکێ ڕاگەهاند، پارەیێ گەنمێ جوتیارێن سنورێ پارێزگەها دهۆکێ کو 85 ملیار و 395 ملیۆن دینار گەهشتنە پارێزگەهێ .

نازم محەمەد ڕێڤەبەرێ بازرگانیا دەخلودانی ل پارێزگەها دهۆکێ ب تۆڕا نووچەیی یا ژیان ڕاگەهاند، پارەیێ گەنمێ جوتیاران گەهشتیە پارێزگەها دهۆکێ  کو  85 ملیار و  395 ملیۆن دینارن و ژ ئالیێ حکومەتا عێراقێ ڤە هاتینە خەرجکرن، دێ دەست ب پارڤەکرنا وان هێتەکرن .

دیارکر ژی، ئەو کوژمێ پارەیێ کو نها گەهشتینە پارێزگەها دهۆکێ یێن ساڵێن  2014 و  2015 و 2016ێ نە .

ڕێڤەبەرێ بازرگانیا دەخل ودانی ل دهۆکێ ڕاگەهاند ژی، کو هێشتا دەمێ دابەشکرنا وی کوژمێ پارەیی نەهاتیە دەستنیشانکرن و ئەو ل سەرخەتن دگەل ئالیێن پەیوەندیدار ژبۆی هندێ هەیا کو بزووترین دەم وی پارەی ب سەر جوتیارێن سنورێ پارێزگەها دهۆکێ دابەشبکەن.