سۆرانی  |  بادینی  |  English      

وەزارەتا دارایی دەما پارڤەکرنا مووچەی ڕاگەهاند

  2021-03-17  | 
 تۆڕا نووچەیا ژیان
وەزارەتا دارایی ڕاگەهاند، ڕۆژا ٢٥ێ ئادارێ دەست ب پارڤەکرنا مووچەی د‌هێتەکرن ب هەمان میکانزما مەهێن بەرێ.

وەزارەتا دارایی د ڕاگەهاندنەکێ دا، دیارکر کو پارڤەکرنا مووچەیێ مەها ئادارێ ل ٢٥ێ ڤێ مەهێ دەستپێدکەت و ب هەمان خشتە و میکانزما مەهێن بەرێ دبیت و بەحسا ڕێژەیا لێبڕینا ڤێ مەهێ نەکر، لێ ئەگەر ب هەمان میکانزما بەرێ بیت ئانکو لێبڕین هەر ژ سەدێ ٢١ دبیت.

ئەڤە ژی دەمەکێ دایە، دوهی حکومەتا هەرێمێ دەما حەفتیەکێ بێهنڤەدانا فەرمی ب هەلکەفتا نەورۆز و سەرسالا کوردی ڕاگەهاند و ڕۆژا ٢٥ێ مەهێ ژی دکەڤیتە د بێهنڤەدانێ دا.

چەند مەهن حکومەتا هەرێمێ دەما پارڤەکرنا مووچەی بنەجهکریە و مەهانە ل ڕۆژا ٢٥ێ مەهێ دەست ب پارڤەکرنا مووچەی دکەت، لێ ب لێبڕین.