سۆرانی  |  بادینی  |  English      

لیژنەیا پێشمەرگە ل پەرلەمانی سەدەما گیرۆبوونا سێ مووچەیێن لیوایان ئاشکرا دکەت

  2021-03-17  | 
 تۆڕا نووچەیا ژیان
جێگرێ سەرۆکێ لیژنەیا پێشمەرگە ل پەرلەمانی ڕاگەهاند، لگۆری دیڤداچوونێن وان سەدەما گیرۆبوونا سێ مووچەیێن لیوایێن هەڤبەش بسەدەما نەشاندنا پارەیە ژ ئالیێ ئەمریکا ڤە.

عوسمان سێدەری جێگرێ سەرۆکێ لیژنەیا پێشمەرگە ل پەرلەمانێ کوردستانێ بۆ تۆڕا نووچەییا ژیان ڕاگەهاند، بابەتێ سێ مووچەیێ نەهاتیە هەلوەشاندن، لێ چ دەمەک دیارکری نینە بۆ پارڤەکرنێ، ژبەرکو پارە ل ئەمریکا لسەر هەژمارا بەنکیا وەزارەتا پێشمەرگە نەهاتیە دانان.

گوت ژی، دگەل ئەمریکی و هەڤپەیمانان ئاخفتنە، ئەو دبێژن د بزاڤدانە بلەزترین دەم پارە بگەهیت و بهێتە پارڤەکرن.

جێگرێ سەرۆکێ لیژنەیا پێشمەرگە دازانین ژی، کو وان و وەزارەتا پێشمەرگە داخواز ژ جڤاتا وەزیران کریە کو حکومەتا هەرێمێ بخۆ مووچەیێ مەها دوو یێ لیوایێن هەڤبەش پارڤە بکەت هەتا پارەیێ ئەمریکا دگەهیت، لێ هێشتا بەرسڤ وەرنەگرتیە.

هەروەسا، ئەڤرۆ وەزارەتا دارایی خشتەیا مووچەیێ مەها سێ ڕاگەهاند و ب وێ خشتەیا کو بەلاڤکری ناڤێ لیوایێن وەزارەتا پێشمەرگە ژی تێدایە، بڤێ یەکێ ژی بیت بۆ ڤێ مەهێ حکومەتا هەرێمێ دێ بخۆ مووچەیێن وان پارڤەکەت.