سۆرانی  |  بادینی  |  English      

بۆچی حکومەتا هەرێمێ بەرهەڤنەبوو تەرمێ دیرۆکنڤیس کەمال مەزهەر ڤەگەڕینیت؟

  2021-03-17  | 
 تۆڕا نووچەیا ژیان
د.کەمال مەزهەر دیرۆکنفیسێ دیارێ کورد، پشتی هەڤڕکییەکا زۆر دگەل نەخۆشیێ د نەخۆشخانەیەکا وەلاتێ ئەلمانیا دا وەغەرا داویێ کر، کەمال مەزهەر دیرۆکنڤیس و ڤەکۆلەر و مامۆستایێ زانینگەھێ بوویە.

نێزیکی 60 سالان خزمەتا دیرۆکا کوردان کریەدەهان پەرتوک و ڤەکۆلین دەربارەی دیرۆکا کوردا نڤیسایە، دەمێ چار سالا بوو توشی نەخۆشیا دۆمدرێژبوویە، هەیا کو رۆا سێشەمبێ د ژیێ  84سالیێ دا ل وەلاتێ ئەلمانیا وەغەرا داویێ کر.

ئەو کەسێن د دەمێ نەخۆشکەتنا دکتۆر کەمالی دا سەرەدانا وی کرین، بەحس ژ وێ یەکێدکەن کو رەوشا ساخلەمیا وی باش نەبوویە

دبێژن د شوقەیەکا بچیکدا و دگەل خێزا خۆ ب هەڤڕا ژیاییینە. مەلا مەختیار ئەندامی ئەنجومەنێ بلندا سیاسیی یەکێتیێ سەرەدانا وی کریە

د دەما بەڕێڤەچوونی چلەیا پرفیسۆر عزەدین مستەفا رەسوڵ هۆشداری دایە  ژ خراپیا ڕەوشا داراییا دکتۆر کەمال مەزهەر.

هەر پشتی وەغەرکرنا د. کەمال مەزهەر، سەرۆکێ هەرێما کوردستانێ و سەرۆکێ حکومەتێ بەیاننامەیێن هەڤخەمیێ بەلاڤکرن، لێ چ وانا بەرهەڤنەبوون ڤەگەڕاندنا تەرمێ وی چ ستویێ خۆ بگرن.

کەس و کارێن وی ژی د بەیانامەیەکێ دا ڕاگەهاندن: ژ بەر ڕەوشا جیهان و کوردستانێ  ب ژبەر نەخۆشیا کۆرۆنایێ چێنابیت بەهیێ بۆ دانین.

گەلەک زەحمەتە تەرمێ پیرۆزێ وی بۆ کوردستانا خۆشتڤی بهێتە ڤەگەڕاندن، ژڤان وەسایە ب ئاوایەکێ دەمکی ل ئەلمانیا بهێتە ڤەشارتن، هیڤی ژی خواستن هەر دەما ڕەوش ئاسای بوو، تەرمێ وی بۆ کوردستانێ و وارێ وی بهێتەڤەگةڕاندن، دگەل ڕێوڕەسمەکا مەزن کو هەژی مەزناتیا وی بیت.

 حکومەتی هەرێمێ ژی ژ ئاستێ ڤەگەڕاندنا تەرمێ  دکتۆر کەمالی بێ دەنگی هەلبژارت، هەیا کو مستەفا کازمی، سەرۆکوەزیرێن عێراقێ بەرهەڤیا خۆ نیشاندا بۆ ڤەگەڕاندنا تەرمێ وی و دەزگەهێن پەیوەنیدار ژی ئەرکدارکرن هەیا کو دەست ب رێوڕەسمێن ڤەگەڕاندا تەرمێ وی بکەن.

راستە کەمال مەزهەر ل بەغدا مامۆستایێ زانینگەهێ بوویە و ل پشتی ژناڤچوونا حکومەتی بەعس نەڤەگەڕایایە هەرێمێ.

لێ بەشەکا زۆرا تەمەنێ خۆ بۆ خزمەتیا دیرۆکا کوردا تەرخانکریە ،د دەمەکێ دا، حکومەتی هەرێمێ ئەو دیرۆک نڤیسێ مەزنێ کورد ب تنێ بجیهلا و خۆ لێ نەکرە خودان.

ساڵانە بودجەیەکیا زۆر بناڤێ هەڤکارییا هونەری و رۆشنبیریێ خەرج دهێتە خەرجکرن. خەلک ب ناڤێ جۆر ب جۆر ڕەوانەی دەرڤە دهێتەکرن، یان ژی خەلکێ بیانی بۆ هەرێما کوردستانێ دکهێتە گازیکرن.

بەشەک ژ وەلاتیان بەحسا وێیەکێ دکەن و دبێژن: ئەگەر حکومەت ژ ئاست دیرۆکنڤیسەکێ مەزنێ وەهایێ کورد بەرپرسیارەتیێ هەلنەگریت، ئەرێ دێ ل بەرامبەر وەلاتیێن سادە و ئاسایی چاوا بەرپرسیارەتیێ هەلگریت؟