سۆرانی  |  بادینی  |  English      

هەڤپەیمانیا هیوا پشتەڤانیێ ل پێشنیارێن شیعان دکەت دەربارەى پشکا هەرێمێ

  2021-03-19  | 
 تۆڕا نووچەیا ژیان
هەڤپەیمانیا هیوا پشتراست دکەت چ دەقەک د بوجەیدا دەرباز نەبیت کو دبەرژەوەندیا مووچەخۆرێن هەرێمێ دا نەبیت و دبێژیت پشتەڤانیێ ل پێشنیارێن شیعەیان دکەین.

 

سەرکەوت شەمسەدین پەرلەمانتارێ هەڤپەیمانیا هیوا ب توڕا نووچەییا ژیان ڕاگەهاند ئەم دگەل هندێ داینە دەقێ حکومەتێ بهێتە پەسەندکرن، لێ دگەل هندێ دا ژى پشتەڤانیا هندەک تێبینیێن شیعەیان ژى دکەین.

گوت ژى، ئەم دگەل چارەسکرنا ئاریشا مووچەینە، لێ خەما مەزن یا پارتى ئەوە نەفت لژێر دەستهەلاتا وێ بمینیت، هەروەسان یەکێتى ژى دگەل بۆچوونا مەدایە.

سەرکەوت شەمسەدین ڕاگەهاند ژى، هەڤپەیمانى ڕونشتا بووجەى بایکۆت ناکەت و تێبینیێن خۆ ب ئاشکەراى دبێژیت.

وى پەرلەمانتارى گوت ژى هەر دەقەک بهێتە ناڤ بوجەى زەمانەتا مووچەیێ فەرمانبەران نەکەت ئەم پشتەڤانیێ لێ ناکەین و دەنگى پێ نادەین.

ئەڤە دەمەکیدایە گوتۆبێژ ل ناڤ لژنەیا دارایى و فراکسیۆنێن پەرلەمانى لسەر بوجەى و پشکا هەرێمێ بەردەوامن و تانها نەشیاینە بگەهنە ڕێککەفتنێ و ڕونشتنا پەرلەمانى ئەنجام بدەن.
S.A