سۆرانی  |  بادینی  |  English      

وەزارەتا پەروەردێ چەند بڕیارەک د بەرژەوەندیا قوتابیێن پۆلا١٢ێ دا دەرکرن

  2021-03-19  | 
 تۆڕا نووچەیا ژیان
عەبدولسەلام دولەمەری سەرۆکێ لژنا پەروەردە و خواندنا بلند ل پەرلەمانێ هەرێما کردستانێ دەربارەی خۆنیشاندانا قوتابیێن 12ێ ئامادەی ل پارێزگەها سلێمانیێ ڕاگەهاند، "جهێ داخێ یە ب سەدەما خۆنیشاندانێن چەند رۆژییا قوتابیێن پۆلا12ێ ئامادەی ل پارێزگەها سلێمانیێ ئاڵۆزی کەفتنێ و کار گەهشتیە تەقەکرنێ ب سەر قوتابیاندا، ئەم دلگرانیا خۆ لسەر ڤێ بویەرێ ڕادگەهینین".

عەبدولسەلام دولەمەری دبێژیت ژی، ل چەند رۆژێن دەربازبوویدا بەردەوام ئەو د پەیوەندیێ دابوون دگەل وەزیرێ پەروەردێ و ئەوان هەژمارەکا بریاران دایە :

-1  د حەفتیەکێ دا بتنێ دوو ئەزموون دێ هێنە کرن.

2-لژنەیەکا پسپۆر و شارەزا پێکهاتیە بۆ کێمکرنا پرۆگرام (مەنهەج)ی، وەکی بەریا نها ژی ڕاگەهاندبوو مەنهەج دێ ل گۆڕەی رۆژێن خاندنا وەرزێ دووێ هێنە دیارکرن و بەریا دەستپێکا خاندنا وەرزێ دووێ ئەو بابەت و بەندێن کو نە پێتڤی نە دێ ڕاگەهینن .

3-بۆ ئەزموونێن وەرزێ یەکێ 13 رۆژ دەرفەت ب قوتابیان هاتە دان.

سەرۆکێ لژنا پەروەردە و خاندنا بلند بەحسا وێیەکێ ژی کریە، "مە داخاز ل وەزارەتا پەرەردێ کریە کو ئەزموونێن وەرزێ دووێ ل 19ی 6 بیننە پێش ب ڕەنگەکێ 40 رۆژ د دەستێ قوتابیان دا هەبن بۆ باشترکرنا خۆ ئامادەکرنێ ژ بوی ئەزموونێن ویزاری".

ئەو ژی د دەمەکێ دایە، چەند رۆژان لسەر ئێک قوتابیێن پۆلا 12ێ ئامادەی ل بەشەک ژ باژار و باژارۆکێن هەرێمێ خرڤەبوون ئەنجامدان و چەند داخازیەک هەبوون، وەکی کێمکرنا مەنهەجی و پێدانا دەمێ زێدەتر بۆ ئەزموونان.
S.A