سۆرانی  |  بادینی  |  English      

دەنگدان لسەر پرۆژەیاسایا بودجەی ل پەرلەمانێ عێراقێ هاتە پاشخستن

  2021-03-19  | 
 تۆڕا نووچەیا ژیان
نووچەگەهانێ تۆڕا نووچەیا ژیان ڕاگەهاند، پەرلەمانێ عێراقێ کو بڕیاربوو دەنگی لسەر پرۆژەیاسایا بودجەی بدەتن لێ پاشداخست بۆ سوبەهی دەمژمێر 10ی سپێدێ.

پشتی کو بریاربوو ئەڤرۆ دەمژمێر 1 دەنگ لسەر پرۆژەیاسایا بودجەی ل پەرلەمانێ عێراقێ بێهتەدان، لێ پەرلەمان جڤیا و دەنگ لسەر پرۆژەیاسایێ نەدا، هەڤدەم، بریاربوو دەمژمێر 10ی ئەڤ شەڤە دەنگ لسەر بهێتەدان، لێ هەیا نها دەستپێنەکریە.

پشتی وێیەکێ کو دوهی ب زۆرینا دەنگێن پەرلەمانێ عێراقێ پرۆژەیاسایا دادگەها فیدڕاڵی و هەموارا 2005ێ ئەو یاسایە پەسەندکر، د ڕۆنشتنێ دا بتنێ فڕاکسیۆنا یەکێتی دەنگ دا و فڕاکسیۆنێن دی وەکی پارتی و گۆڕان و کۆمەڵ و یەکگرتوو بایکۆتکرن، لێ زێدەباری وێیەکێ ژی پەرلەمانێ عێراقێ ب دەنگێ زۆرینە پرۆژەیاسا پەسەندکر.

ئەڤرۆ ژی بریاربوو دەمژمێر 1ی پشتی نیڤرۆ، دەنگی لسەر پرۆژەیاسایێ بدەت و بەشەکێ فڕاکسیۆنان ژی ترسا وێیەکێ هەیە، کو زێدەباری وێ یەکێ هەیا نها هەرێم و بەغدا چ لهەڤهاتن نەکرنە،  ب دەنگێ زۆرینە ڤێ پرۆژەیاسایێ ژی دەربازبکەن.
S.A