سۆرانی  |  بادینی  |  English      

پاپا: مافیا کۆرۆنایێ بکاردئینن بۆ خۆ زەنگین کرنا زێدەتر

  2021-03-22  | 
 تۆڕا نووچەیا ژیان
پاپا فراسیس پاپایێ ڤاتیکان داخازکریە رووبروویێ رێکخراوێن تاوانی ببن ئەوێن مافیا پلانێ بۆ دەینن، هایداریا وێیەکێ ژی دایە، تاوانکاران دڤێت ب رێکا مفا وەرگرتنێ ل کۆرۆنایێ خۆ زێدەتر زەنگین بکەن.

د گوتنەکا کورتدا کو ژ ئەگەرێ ساخبوونا قوربانیێن تاوانێن رێکخراوێ کو ل ئیتالیا پێشکێش کر، پاپا فرانسیس ڕاگەهاند، گروپێ تاوانکارێن مافیا ل چەند دەڤەرێن جودا جودا یێن جیهانێ هەنە، کو د بزاڤا وێیەکێ دانە ب رێکا مفا وەرگرتنێ ژ ڤایرۆسێ کۆرۆنایێ خۆ زێدەتر زەنگین بکەن.

پاپا ئاماژە ب وێیەکێ ژی کر، وان رێکخراوێن تاوانکار چ پەیوەندی ب ئاینی ڤە نینە.

ل داویێ ژی پاپای گوت، "بلا ئەڤرۆ هەموو بیرئانینا قوربانیان ساخ بکەن و پابەندبوونا خۆ تەکەزز بکەن بۆ رووبرووبونا چەتە و مافیان".