سۆرانی  |  بادینی  |  English      

لیرەیێ تورکی داکەتنەکا زێدەتر ب خۆڤە دیت

  2021-03-22  | 
 تۆڕا نووچەیا ژیان
ب سەدەما داکەتنا زێدەتر یا لیرەیێ تورکی بازارێ پارە گوهورێن تورکیا کارێن خۆ بۆ دەمەکێ ڕاگرتن.

پشتی بریارا رەجەب تەیب ئەردوغان سەرۆککومارێ تورکیا، لسەر ڕاکرنا پارێزبەندیا بەنکا ناڤەندیا وەلاتێ خۆ، لیرەیێ تورکیا لهەمبەر دراڤێن بیانی  داکەتنا زێدەتر ب خۆ ڤە دیت، ب ڕەنگەکێ نەچار بازارێ پارە گوهورا بۆ دەمەکێ چالاکیێن خۆ ڕاگرتن.

ل گۆرەی ژێدەرێن نووچەی، نیشاندەرێ سەرەکی ب رێژا زێدەتری 6%ێ داکەتن ب خۆ ڤە دیت، پشتی وێیەکێ لیرەیێ تورکی داکەتنەکا دی تومارکر.

ئەڤرۆ ل دەما ڤەکرنا بازاریدا، 8.47لیرەیێ تورکی یەکسان بوو لهەمبەر دۆلارەکێ ئەمریکی، ئەڤە د دەمەکێ دایە حەفتیا دەربازبووی 7.22 لیرە لهەمبەر دۆلارەکێ ئەمریکی بوو.

لێ داکەتن لهەمبەر یۆرۆی دا زیدەتر بوویە و هەر یۆرۆیەک یەکسان بوویە ب 9.60  لیرە.

پشتی مەها تشرینا دووێ یا سالا دەربازبووی کو هەر دۆلارەک یەکسان بوو ب 8.58 لیرەیان، ئەڤە مەزنترین داکەتنە کو لیرەیێ تورکی ب خۆ ڤە دیتی.

ئەو داکەتنا ژ نشکەکیڤەیا ئەڤرۆ بهایێ لیرەیێ تورکیا د دەمەکێ دایە، بتنێ چار مەهان پارێزگاریا بەنکا ناڤەندیا تورکیا ب بریارا ئەردوغانی گوهوریە، کو دناڤا ناڤەندێن حکومەتێ دا پێگەهەکێ بهێز هەبوویە.