سۆرانی  |  بادینی  |  English      

بۆ جارا چارێ یە ل دووسالاندا هەلبژارتنێن بەروەخت ل ئیسرائیلێ برێڤەدچن

  2021-03-23  | 
 تۆڕا نووچەیا ژیان
ئەڤرۆ بۆ جارا چارێ یە د دەما دوو سالاندا هەلبژارتنێن پەرلەمانی ئیسرائیلێ برێڤەدچن و ل دیف ڕاپرسیان ئەگەرێن زێدە هەنە پارتا نەتەنیاهۆ پلا ئێکێ بدەست ڤەبینیت.

د دەما دەربازبووی دا بسەدەما دروستبوونا ئاریشەیان لسەر یاسایا بودجەیێ وڵاتی، پەرلەمانێ ئیسرائیلێ هەلوەشیا و بریار هاتەدان ل رۆژا 23ی 3ی 2021 هەلبژارتنێن بەروەخت بهێنە ئەنجامدان.

ئەڤە جارا چارێ یە د دەما دووسالاندا ل ئیسرائیلێ هەلبژارتن دهێنە ئەنجامدان، هەرسێ جارێن بەری ژی ژ ئەگەرا وێیەکێ بۆ حزبێن سەرکەفتی نە دگەهشتن لهەڤهاتنێ بۆ پێکئینانا حکومەتێ.

پەرلەمانێ ئیسرائیلێ کو ب (کینست) ناڤدارە ل ١٢٠ ئەندامان پێکدهێت و حزبا سەرکەفتی پێتڤیە 61 کورسیان ب دەستڤەبینت، لێ ل کورەی ڕاپرسیان حزبا نەتانیاهۆ 32 کورسیان ب دەستڤە دینیت ژبەر وێ یەکێ بۆ پێکئینانا حکومەتا نوی پێتڤیە هەڤپەیمانیێ پێکبینیت.