سۆرانی  |  بادینی  |  English      

ئەنجامێن هەلبژارتنێن ئیسرائیل هاتنە ئاشکراکرن

  2021-03-24  | 
 تۆڕا نووچەیا ژیان
ل گۆرەی ئەنجامێن دەستپێکی یێن هەلبژارتنێن ئیسرائیل، پارتا لیکۆدیا ئیسرائیل کو ژ ئالیێ بنیامین نەتەنیاهۆیێ سەرۆک وەزیران ڤە سەرۆکایەتیا وێ دهێتەکرن، سەرکەفتنەکا مەزن تومارکر.

ل گۆرەی وان ژێدەرێن کو بۆ میدیایێن ئیسرائیلی ئەشکراکرنە، حزبا لیکۆد شیایە 31 کورسیێن پەرلەمانی بدەستڤەبینیت.

هەر لگۆرەی وان ئەنجامێن دەستپێکی حزبا (داهاتی هەیە) 18 کورسیێن پەرۆلەمانی بدەستڤە ئینانە، لیستا هەڤبەش 8 کورسی و (شین و سپی)7 کورسی و حزبا (یەمینا)یا تۆندرەو 7 کورسیێن پەرلەمانێ ئیسرائیلی ب دەستڤەئینانە.

وەکی وێیا کو د ئەنجامێن دەستپێکی دا هاتیە ئەشکراکرن، حزبا (ئیسرائیل بەیتونا 7 کورسی و حزبا (هیوای نوێ)6 کورسی، حزبا (میرتس)6 کورسی و حزبا (کار) 7 کورسی.

ئەڤ ئەنجامێن دەستپێکی یێن پارتێن جیاجیایێن بەژدار د هەلبژارتنێن ئیسرائیلی دا د دەمەکی دانە، لیستا عەرەبی یا یەکگرتی نەشیایە چ کورسیان بدەستڤەبینیت.

هەڤدەم، هەردوو حزبێن (سەهۆنیەتیا ئاینی و یەهدوت هتورا) هەرئێک ژ وانا 7 کورسی ب دەستڤە ئینان.

ل گۆرەی وان ئەنجامێن دەستپێکی، ناهێتە چاڤەرێکرن حزبا لیکۆد ب سەرۆکایەتیا بنیامێن نەتەنیاهۆ سەرۆک وەزیرێن ئیسرائیلێ و حزبێن نێزیکی وێ بشێت پتریا ڕەها ل کنیست بدەستڤەبینیت.

ئەڤە جارا چارێیە د دەما دووسالیێن دەربازبووی دا ل ئیسرائیلێ هەلبژارتن دهێنە ئەنجامدان و هەرسێ جارێن بەری ژی ب سەدەما نەگەهشتن لهەڤهاتنا حزبێن سەرکەفتی بۆ پێکئینانا حکومەتێ هەلبژارتن هاتە دووبارەکرن.

پەرلەمانێ ئیسرائیلێ کو ب (کینست) ناڤدارە ل 120 ئەندامان پێکدئیت و حزبا سەرکەفتی پێتڤیە 61 کورسیان بدەستڤەبینیت، لێ ل گۆرەی ڤێ ڕاپرسیێ حزبا نەتەنیاهۆ 32 کورسیان ب دەستڤەئینیت ژبەر وێیەکێ بۆ پێکئینانا حکومەتا نوی پێتڤی ب هەڤپەیمانیێ هەیە.