سۆرانی  |  بادینی  |  English      

تورکیا.. دەستەسەرکرنا 112 پەنابەرێن نەیاسایى ڕاگەهاند

  2021-03-27  | 
 تۆڕا نووچەیا ژیان
ل دەڤەرا ئۆنسلى یا سەر ب پارێزگەها وانێ ڤە 112 پەنابەرێن نەیاسایى هاتنە دەستەسەرکرن.

ئاژانسا ئەنەدۆڵ بەلاڤکریە، پارێزگارێ وانێ د ڕاگەهاندنەکێدا ئاماژە ب وێ یەکێ کریە تیمێن جەندرما ئۆپراسیۆنەک ل دەڤەرا ئۆنسلى ئەنجامداینە و چەند پەنابەرەکێن نەیاسایى دەستەسەرکرینە.  

لگۆرى وێ ڕاگەهاندنێ تیمێن وان دکەڤانا ئۆپەراسیۆنێ دا بارهەلگرەک ڕاوستاندیە و پشتى پشکنینێ، 112 پەنابەر کو هەلگرێن ناسنامێن ئەفغانستان و بەنگلادش و پاکستانێ بوون هاتنە دەستەسەرکرن کو ب ڕەنگەکێ نەیاسایى هاتبوونە ناڤ ئاخا تورکیا.

ئاماژە ب وێ چەندێ ژى کریە، پشتى کو ئەو پەنابەرە هاتینە دەستەسەرکرن پشکنینێن نوژدارى بۆ وان ئەنجامداینە و ڤەگۆهاستینە ڕێڤەبەریا کۆچ و کۆچبەرێن پارێزگەهێ.