سۆرانی  |  بادینی  |  English      

بهایێ نەفتێ ب ڕەنگەکێ بەرچاڤ بلندبوو

  2021-03-05  | 
 تۆڕا نووچەیا ژیان
نها بهایێ نەفتێ د بازارێن جیهانێ دا بلندبوونەکا بەرچاڤ بخۆ ڤە دیتیە و یەک بەڕمیل نەفتا برێنت گەهشتە ٦٨ دۆلار و ٩٥ سەنتان د بازارێن جیهانێ دا، نەفتا ئەمریکی ژی ب هەمان ڕەنگ بلندبوویە و گەهشتیە٦٥ دۆلار و ٧٨ سەنتان .

بهایێ نەفتێ هەڤبەر دگەل دوهی پێنجشەمبی بلندبوون ب خۆڤەدیتیە، ناڤەندێن ئابووری ژی سەدەمێن بلندبوونا بهایێ نەفتێ بۆ دوو سەدەمێن سەرەکی دزڤرینن، یا ئێکێ جڤینا ئۆپیک پلەسە و یا دوویێ ژی کێمبوونا نەفتا عەمبارکریا ئەمریکی یە.

گوهوڕینا سەقای ل چەند ویلایەتێن بەرهەمئینەرێن نەفتێ ل ئەمریکا باندۆری کریە سەر جڤینا بەرهەمئانینێ و ب وی سەدەمی ژی قەبارێ نەفتێ د عەمبارێن وی وەلاتی دا کێمبوویە ب ڕەنگەکێ کو ل سالا ٢٠٠٣یێ وەرە رێژا نەفتێ د عەمبارێن وان دا هندە کێم نەبوویە.

بلندبوونا بهایێ نەفتێ بۆ وی ئاستی، یەکەمجارە پشتی وێیەکێ ل سالا دەربازبووی ب سەدەما بەلاڤبوونا ڤایرۆسێ کۆرۆنایێ و ژ کارکەفتنا کارگەهێن مەزنێن جیهانێ و ڕاگرتنا لڤینێن ئامیر و ترۆمبێلان، بهایێ نەفتێ بۆ نزمترین ئاست د مێژویێ دا داکەت.

و.ح