سۆرانی  |  بادینی  |  English      

ئه‌و ده‌قێ لژنا دارایی یێ شیعه‌یان ده‌ستكاریكری ده‌نگ لسه‌ر هاته‌دان

  2021-03-28  | 
 تۆڕا نووچەیا ژیان
ده‌مه‌كێ كێم به‌ریا نها لژنا داراییا په‌رله‌مانێ عێراقێ ل دیف خاستا شیعه‌یان ده‌نگ لسه‌ر ماددێ 11 یێ تایبه‌ت ب پشكا هه‌رێمێ ڤه‌ دا.

نووچه‌گه‌هانێ تۆڕا نووچه‌ییا ژیان ل به‌غدا ڕاگه‌هاند، ئالیێن شیعه‌ ئه‌و دوه‌قێ ده‌ستكاریا وی كری سه‌پاند و ده‌نگ لسه‌ر دا، ل گۆره‌ی وی ده‌قی ئه‌گه‌ر هه‌رێم پابه‌ند نه‌بیت چ كوژمێن پاره‌ی بۆ ناهێنه‌ شاندن.

حه‌فتیا ده‌ربازبووی شاندێ هه‌رێمێ و ئالیێ شیعه‌ لسه‌ر پشكا هه‌رێمێ د بودجه‌یێ دا لهه‌ڤهاتبوون، لێ پشتره‌ ئالیێن شیعه‌ ده‌ستكاری د وێ لهه‌ڤهاتنێ دا كرن، و ب وێ یه‌كێ ژی شاندێ هه‌رێمێ به‌غدا بجی هێلا و رۆنشتنا په‌رله‌مانی بۆ چه‌ند رۆژان هاته‌ پاشخستن.

چه‌ند ده‌مژمێران جڤینا لژنا داراییا په‌رله‌مانی ب سه‌رۆكایه‌تیا محه‌مه‌د حه‌لبوسی سه‌رۆك په‌رله‌مانی به‌رده‌وامه‌ و بۆ ئێك ئالی كرنا هه‌ڤركیان لسه‌ر پشكا هه‌رێمێ.

د نهادا ئه‌و ده‌قێ ده‌نگ لسه‌رهاتیه‌دان ئاراسته‌یا جڤینا سه‌رۆكێ فڕاكسیۆن و سه‌رۆكایه‌تیا په‌رله‌مانی هاتیه‌كرن.

بریاربوو ئه‌ڤرۆ ده‌مژمێر سێی پشتی نیڤرۆ رۆنشتنا په‌رله‌مانی لسه‌ر ده‌نگدانێ ب بودجه‌یێ برێڤه‌دچیت، لێ ڕۆنشتن بۆ ده‌مژمێر حه‌فت هاتبوو پاشداخستن  هێشتا جڤین نه‌هاتیه‌ ئه‌نجامدان.