سۆرانی  |  بادینی  |  English      

بهایێ نەفتێ د بازاڕێن جیهانێ دا

  2021-03-29  | 
 تۆڕا نووچەیا ژیان
ژبەر ڤەکرنا کەنالێ سوێس، بهایێ نەفتێ د بازاڕێن جیهانێ دا هەیا ڕادەیەکێ داکەفت.

لگۆری داتایێن بۆرسەیێن جیهانی، ئەڤرۆ دووشەمبیێ ٢٩ێ ئادارا ٢٠٢١ێ بهایێ هەر بەرمیلەکا نەفتا خاڤا برێنت ب ٦٣ دۆلار و ٢٨ سەنتان بازاڕ پێ دهێتەکرن.

هەڤدەم، بهایێ بەرمیلەکا نەفتا خاڤا ئەمریکی ژی ب نێزیکی ٥٩ دۆلار و ٧٨ سەنتان هاتیە دیارکرن.

حەفتیا دەربازبوویی، ژبەر کێمیا خواستێ لسەر نەفتا خاڤ، بهایێ نەفتێ چەند دۆلاران داکەفت، لێ د دەما دوو ڕۆژێن دەربازبوویی دا بسەدەما داخستنا نۆکەندا سوێسێ ژ ئالیێ کەشتیا (ئێڤەرگیڤن) یا ژاپۆنی، نێزیکی ١٢٪ یا ڤەلڤینا بازرگانیا جیهانێ ژکار خستبوو، هەیا ڕادەیەکێ بهایێ نەفتێ د بازاڕێن وزەیێ دا بلندبوویە.

لێ ئەڤرۆ ب ڕزگاربوونا کەشتییێ ل کەنالێ سوێس، جارەکا دی بهایێ نەفتێ داکەفتن بخۆڤە دیت.