سۆرانی  |  بادینی  |  English      

بایدن و ئەردۆغان دێ پەیوەندیەکا تەلەفۆنی ئەنجامدەن

  2021-03-06  | 
 تۆڕا نووچەیا ژیان
پەیڤدارێ کۆچکا سپی ڕاگەهاند، سەرۆکێ ئەمریکا دخوازیت ل حەفتی و مەها داهاتی دا هەژمارەکا دیدار و پەیوەندیێن تەلەفۆنی ئەنجامبدەت کو ئەردۆغان یەکە ژ وانا.

د بەرسڤا پرسیارا رۆژنامەڤانان دا  کو سەدەمێ جڤین و پەیوەندیکرنا جۆ بایدن سەرۆکێ ئەمریکا دگەل رەجەب تەیب ئەردۆغان چییە؟ جین ساکی گۆت: چەندین سەرکردێن جیهانی هەنە کو سەرۆک دخوازیت پەیوەندیێ پێڤە بکەت، پشڕاستم ل حەفتە و مەهێن داهاتی دا لسەر چەند خالەکان دێ دگەل ئەردۆغانی جڤیت.

ئەردۆغانی پەیامەکا پیرۆزباهیێ ئاراستەی بایدنی کر کو د هەلبژارتنا سەرۆکایەتیا ئەمریکا دا سەرکەفتن بدەست ڤە ئینا و گۆت: د وێ باوەریێ دا مە کو هەڤکاری و هەڤپەیمانەتیا بهێزا ناڤبەرا وەلاتێن مە دێ یا بەردەوام بیت ل بەخشینا پشکداریا زیندی بۆ ئاشتیا جیهانێ د ئایندە دا وەک ئەوا نها کو مە ئەجامدایە.

دگەل شکەستا دۆنالد ترەمپ ل هەلبژارتنا مەها تشرینا دوویێ یا ٢٠٢٠ێ شەهرەزایێن بیاڤێ سیاسەتا ناڤدەولەتی ژی ئاماژە ب وێیەکێ کرنە، ب دەستپێکرنا گەرەکا دی یا خرابا پەیوەندیا ناڤبەرا تورکیا و ئەمریکا، ژبەر سیاسەتا جودایا دیموکراتێن ئەمریکا ل رۆژهەلاتا ناڤەراست کو کارین ل وێ هەلبژارتنێ سەرکەفتنێ ب دەستڤەبینن.