سۆرانی  |  بادینی  |  English      

دادگه‌ها ده‌ستوریا توركیا دۆسیا داخستنا هه‌ده‌پێ ڤه‌گه‌ڕاند

  2021-03-31  | 
 تۆڕا نووچەیا ژیان
میدیایێن توركیا ڕاگه‌هاندن، جڤاتا گشتیا دادگه‌ها ده‌ستوریا توركیا بڕیار دا دۆسیا داخستنا پارتا دیموكراتی گه‌لان(هه‌ده‌پێ) كو هاتیه‌ پێشكێشكرن‌ ڤه‌گه‌ڕاند بۆ دۆزگه‌ریا گشتی و كێماسیێن وێ هاتنه‌ دیاركرن.

د جڤینا خۆ یا ئه‌ڤرۆ دا دادگه‌ها ده‌ستوریا توركیا پێداچوون ب وێ دۆسیێ كر و بڕیاردا دۆسیێ ڤه‌گه‌ڕینیت هه‌یا كو كێماسێن هه‌ده‌پێ چێبكه‌ن.

میدیایێن توركیا بوحسا وێیه‌كێ ژی كرنه‌، پشتی كو دۆزگه‌یا گشتی  كێماسیێن بڕگه‌یێ تاوانباركرنا هه‌ده‌پێ چێكر دووباره‌ ئاراسته‌ی دادگه‌ها ده‌ستوریا توركیا دكه‌ته‌ڤه‌ و دادگه‌هـ ژی دێ لسه‌ر جڤیت و دیڤا دێ بڕیارێ لسه‌ر ده‌ت.

ئه‌ڤه‌ د ده‌مه‌كێ دایه‌، د چه‌ند حه‌فتیێن ده‌ربازبووی دا دۆزگه‌ریا گشتی یا توركیا دۆسیه‌ك بۆ داخستنا هه‌ده‌پێ ڤه‌كر و پێشكێشی دادگه‌ها ده‌ستوری كر و تێدا هه‌ده‌په‌ ب هاندان بۆ توندوتیژی و باشنگه‌شه‌كرن بۆ تیرۆر تۆهمه‌تباركر.