سۆرانی  |  بادینی  |  English      

یانەیا زاخۆ سەرکەفتن لسەر مێهڤانا خۆ تومارکر

  2021-04-02  | 
 تۆڕا نووچەیا ژیان
یانەیا حدود ژ یاریێن گەرا ٢٦ ژ خولا نایابا عێراقێ ل یاریگەھا نیڤدەولەتیا زاخۆ بۆ مێھڤانا یانەیا زاخۆ د ئەنجامدا زاخۆ ب گولەکێ بەرامبەر چنە سەرکەفتن تومارکر.

هشیار دوبانکی پەیڤداڕێ یانەیا وەرزشییا زاخۆ بۆ توڕا نووچەییا ژیان راگەھاند. ئەڤرۆ ژ یاریێن گەرا ٢٦ یا خولا پلا نایابا عێراقێ ل دەمژمێر ٣ى ئێڤاری یانەیا زاخۆ مێهڤانداریا یانەیا حدود کر و ب گولەکێ بەرامبەر چنە زاخۆ سەرکەفت.

دوبانکی گوت ژى، نیڤیا ئێکێ یا یارێ بێ تومارکرنا گولێ ژ ئالیێ ھەردوو یاناڤە ب داوی ھات لێ زیا ئەحمەدێ ھێرشبەر ل خولەکا ٦٧ گولەکا پێشکەفتن ژ بۆ زاخۆ تومارکر و یاری بڤی ئەنجامی ب داوی بوو.    

هەڤدەم یانەیا زاخۆ ب ئەمجامدانا ٢٦ یارییان ٣٧ خال کومڤەکرینە و ل رێزبەندیا شەشێ یا خولێ دایە.