سۆرانی  |  بادینی  |  English      

د 24 دەمژمێرێن دەربازبوویدا زیدەتری 40 هزار کەس ل تورکیا تووشی کۆرۆنایێ بوون

  2021-04-04  | 
 تۆڕا نووچەیا ژیان
وەزارەتا ساخلەمیا تورکیا ئاشکرا کر، د دەما 24 دەمژمێرێن دەربازبووی دا زێدەتر 40 هزار کەس ل تورکیا توشی ڤایرۆسێ کۆرۆنایێ بوون.

وەزارەتا ساخلەمیا تورکیا د ڕاپۆرتا خۆ یا رۆژانەدا دەربارەی رەوشا کۆرۆنایێ د وی وەلاتی دا ڕاگەهاند، د 24 دەمژمێرێن دەربازبووی دا 185 کەسێن دی ب ڤایرۆسێ کۆرۆنایێ ژیانا خۆ ژ دەستدان.

ئاماژە ب وێیەکێ ژی کر، ژ وی دەمێ ڤایرۆسێ کۆرۆنایێ ل تورکیا بەلاڤبوو و هەیا نها 2 ملیۆن و 487 هزار و 50 کەس توشی ڤایرۆسێ کۆرۆنایێ بوونە، ژ وێ ژمارێ ژی 32 هزار و 263 کەسان ژیانا خۆ ژ دەستدایە.

دوهی ژی ب هەمان رەنگ رێژا توشبوون ب کۆرۆنایێ ل تورکیا بلندبوو و 44 هزار و 756 کەس توشی وی ڤایرۆسی بوون  و 186 کەسان ژی ژیانا خۆ ژ دەستدابوو.

د مەها ئادارا سالا دەربازبووی دا دەستهەلاتدارێن تورکیا رێکارێن گشتی یێن تایبەت ب کۆرۆنایێ سڤکرن، ب تایبەتی کو ژمارا توشبوویان بەرڤ کێمبوونێ چووی، لێ پشتی وێ بریارێ جارەکا دی رێژا توشبوونێ ب ڤایرۆسی زێدەبوویە.