سۆرانی  |  بادینی  |  English      

ئەفسەرەک ل تورکیا ب ٨٢ کیلۆیێن مادێن بێ هوشکەر ڤە هاتە دەستەسەرکرن

  2021-03-06  | 
 تۆڕا نووچەیا ژیان
د تڕۆمبێلەکا ئەفسەرەکێ زێرەڤانێن سنورى دا دەست بسەر ٨٢ کیلۆیێن مادێن بێ هوشکەردا هاتە گرتن، ئەفسەر و کەسەکێ دى ژى دگەل دا بوو هاتنە دەستەسەرکرن.

 

فەرماندەکێ پیادە ل زێرەڤانێن سنورى ل باژێرێ هاتاى یا وەلاتێ تورکیا ب سەدەما کو ٨٢ کیلۆیێن مادێن بێ هوشکەر د تڕۆمبێلا ویدا بوون ژلایێ هێزێن پولیسان و جەدرمان ڤە هاتە دەستەسەرکرن.

فەرماندێ جەدرمەیان ل باژێرێ هاتاى یا تورکیا د ئوپراسیۆنەکێدا بەرپرسەکێ زێرەڤانێن سنورى ب ناڤێ (ڤ. ك) هاتە دەستەسەرکرن، وى فەرماندەى ل سنورێ سوریا مادەیێن بێ هوشکەر ڤەگوهاستینە و کەسەکێ دى ژى دگەل دا وەکە هاریکا ناڤێ وى هاتیە.

میدیایێن تورکیا ل زارێ فەرماندێ جەدرمەیان ل هاتاى ڤەگوهاستیە و زانیارى پێگەشتینە کوئەفسەرەکێ پیادە (ڤ ك و ا.ك) ل بنگەهەکێ دەرچوونا سنورى کو دکەڤیتە دەڤەرا قەدەغەکریا سەربازى دیتیە، پشتى ڤەکولینێ بۆ وان دەرکەتیە کو ئەو چوونە ب مەبەستا ڤەگوهاستنا مادێن بێ هوشکەربوو.

د ئۆپراسیۆنەکا هەڤبەشدا چەند هێزەکێن جێۆاز، ل دەڤەرا بوهشین تڕۆمبێلا وى ئەڤسەرى ڕاگرتیە و ب سەیێن تایبەتمەند پشکنین کرینە و کوژمەکێ زۆرێ لیرەیێ تورکى و ٨٢ کیلۆیێن مادێن بێ هوشکەر ڤێ دیتینە، هەردوو تاوانبارى ژى هاتینە دەستەسەرکرن و ڤەکولین دگەل دا کرینە.